మసాలా జీడిపప్పు (కాజూ) పకోడా

Published: Friday, April 13, 2012, 17:01 [IST]

రుచికరమైన వంటకాలు తినడానికి ఎవరైనా ఇష్టపడతారు. అలా వండుకునేందుకు ఉపయోగపడే కొన్ని ప్రత్యేక పదార్థాలు కూడా వుంటాయి. వాటిలో జీడిపప్పు కూడా ఒకటి. దీనిని ఏమీ చేయకుండా ఊరికే నోట్లో వేసుకున్నా తినాలనిపించే విధంగా వుంటుంది. దీన్ని డ్రైఫ్రూట్‌గా చెప్పుకుంటారు. ఇక జీడిపప్పులను వంటల్లో అటు స్వీట్లలోనూ ఇటు హాట్‌లలోనూ వాడుతారు. పాయసం, ఖీర్, రకరకాల స్వీట్లు వంటి వాటిపైన కనపడుతూ నోరూరిస్తూ వుంటాయి. ఫ్రైడ్ రైస్, బిర్యాని వంటి మరెన్నింటిలోనూ కలుపుకున్నా వాటి రుచిని మరింత పెంచుతాయి. మరి జీడిపప్పుతో పకోడిలు చేసుకోవచ్చు. పకోడాల్లో వెరైటీ పకోడా జీడిపప్పు(కాజూ)పకోడా. ఇవి మంచి ఈవెనింగ్ స్నాక్.

కావలసిన పదార్థాలు:
జీడిపప్పులు: 2cups
శెనగపిండి: 1cups
బియ్యప్పిండి: 1/2cup
కారం: 1tsp
పచ్చిమిర్చి: 6-8
అల్లం వెల్లుల్లి పేస్ట్: 1tbsp
గరం మసాలా: 1tsp
జీలకరప్రొడి: 1tsp
కరివేపాకు: రెండు రెమ్మలు
నూనె: తగినంత
ఉప్పు: రుచికి తగినంత

తయారు చేయు విధానం:
1. ముందుగా ఒక బౌల్ తీసుకుని అందులో శనగపిండి, బియ్యప్పిండి, కారం, పచ్చిమిర్చి తరుగు లేదా పచ్చిమిర్చి పేస్ట్, తగినంత నీరు జీలకరప్రొడి, కరివేపాకు, ఉప్పు వేసి పకోడీల పిండిలా కలుపుకోవాలి.
2. తర్వాత జీడిపప్పులను కూడా వేసి మరోమారు కలపాలి.
3. ఇప్పుడు స్టౌ మీద పాన్ పెట్టి అందులో నూనె వేసి వేడయ్యాక పకోడీలుగా వేసి బంగారురంగు వచ్చేవరకు వేయించి తీసేయాలి.
4. అంతే మసాలా కాజు పకోడా రెడీ. వీటిని రుచికరమైన కొబ్బరి చట్నీతో సర్వ్ చేస్తే చాలా రుచిగా ఉంటాయి.