ఫ్రెష్ ఫ్రూట్ - రసగుల్లా రబ్రి...

Snacks

oi-Saraswathi

By Sindhu

Published: Friday, June 8, 2012, 16:55 [IST]

కాలానుగుణంగా పండ్లు కూడా ఒక్కో సీజన్ లో ఒక్కోరకమైనటువంటి పండ్లు దొరుకుతుంటాయి. అలాంటి పండ్లను తీసుకోవడం వల్ల రుచికే కాదు. ఆరోగ్యానికి, సౌందర్యానికి కూడా బాగా ఉపయోగపడుతాయి. రోజంతా వివిధ రకాల ఫ్రూట్స్ సలాడ్స్ ద్వారా తీసుకుంటే మంచి ఫలితం ఉంటుంది. అయితే కొంచెం వెరైటీగా పాలను చేర్చి చేసే ఈ రబ్రి రుచిగా ఉండటమే కాక, పిల్లలు పెద్దలు అమితంగా ఇష్టపడుతారు. ముఖ్యంగా పాలు ఎముకలు పటిష్టంగా ఉండటానికి ఆహారంలో పాలు, పాల ఉత్పత్తుల ద్వారా తీసుకునే క్యాల్షియం ఎంతో ముఖ్యమైనది. అలాగే తాజా పండ్ల రసాలను తీసుకోవడం ద్వారా విటమిన్ ‘డి’ లభిస్తుంది. నట్స్ అండ్ సీడ్స్: పాల ఉత్పత్తులు, తృణ ధాన్యాలు, నట్స్ తీసుకుంటే ఎముకలకు కావలసిన శక్తి లభిస్తుంది. పాలను బాగా మరిగించి అన్నిరకాల ఫ్రూట్స్ కలిపి సర్వ్ చేసే ఈ రబ్డి చాలా రుచిగా ఉంటుంది. పిల్లలకు బాగా నచ్చుతుంది.

కావలసిన పదార్ధాలు :
చిక్కని పాలు: 1ltr
పంచదార: 2tbps
ఇలాచీ పొడి: 1tsp
బాదంమిక్స్: 1tsp
యాపిల్: 1
మామిడిపండు: 1
ద్రాక్ష పండ్లు: 1/2 cup
అరటి: 1
పైన్ యాపిల్ ముక్కలు: 1/2cup
దానిమ్మగింజలు: 1/4cup

తయారు చేసే విధానం:
1. ముందుగా నాన్ స్టిక్ పాన్ లో పాలు పోసి బాగా మరిగించాలి. అరలీటరు పాలు పావులీటరు అయ్యేంత వరకూ తక్కువ మంట మీద పాలను బాగా కాచాలి.
2. తర్వాత అందులో పంచదార కలిపి, అది కరిగి మిశ్రమం కొంచెం చిక్కగా అయ్యాక బాదం పౌడర్ ,ఇలాచీ పొడి వేసి స్టవ్ ఆఫ్ చెయ్యాలి.
3. ఇప్పుడు కాచిన పాలు చల్లారాక ఫ్రిజ్ లో ఉంచి సర్వ్ చేసేప్పుడు సన్నగా కట్ చేసి పెట్టుకొన్నఅన్నిరకాల పళ్ళు అందులో కలపాలి. పళ్ళు వద్దు అనుకుంటే కాజూ, బాదం, ఖర్జూరాలు, కిస్మిస్ ఇలా డ్రైఫ్రూట్స్ అన్నీ కలపుకోవచ్చు. వీటితోపాటు చిట్టిచిట్టి గులాబ్ జామూన్స్ కానీ, రసగుల్లాలు కానీ వేసినా బావుంటుంది.