వేసవితాపాన్ని తీర్చే కర్బూజ(పుచ్చకాయ)జ్యూస్

Snacks

oi-Saraswathi

By Sindhu

Published: Thursday, February 23, 2012, 17:19 [IST]

ఎండలు మండుతున్నాయి. రోజురోజుకీ ఉష్ణోగ్రతలు పెరుగుతున్నాయి. ఈ ఎండలకు ఏదైనా పళ్లరసం తాగితే కాస్తంత ఉపశమనం దొరుకుతుంది. వేసవి తాపాన్ని తీర్చే అనేక పండ్లు మనముందు ఎన్నో ఉన్నప్పటికీ కొన్ని పండ్ల ధరలు ఆకాశాన్నంటుతున్నాయి. కనుక మనకు అందుబాటులో పుచ్చకాయతో జ్యూస్ చేసుకోవటం ఎలాగో చూద్దాం..పైనేమో ఆకుపచ్చగా, కోయగానే నోరూరించే ఎరుపురంగుతో అలరించే “పుచ్చకాయ” వేసవిలో దివ్యౌషధంగా పనిచేస్తుంది. వేసవిలో అధిక వేడినుంచి, వడదెబ్బనుంచి కాపాడే పుచ్చకాయలోని పొటాషియం గుండెకు చాలా మేలు చేస్తుంది. వడదెబ్బ బారినపడిన వారు దీనిని తినట్లయితే శరీరం నిస్తేజం అవకుండా కాపాడుతుంది. పుచ్చలో లభించే బి విటమిన్లు శరీరానికి తక్షణ శక్తిని అందిస్తాయి. పుచ్చకాయలో ఖనిజ లవణాలు పుష్కలంగా ఉన్నాయి.

కావలసిన పదార్థాలు:
పుచ్చకాయ ముక్కలు: 2cups
మిరియాల పొడి: 2tsp
ఉప్పు: చిటికెడు
తేనే: 1tsp
పంచదార: 1tbsp
పుదీనా ఆకులు : 3
ఐస్‌ ముక్కలు: సరిపడినన్ని (ఇష్టమైతే వేసుకోవచ్చు)

తయారు చేయు విధానం:
1. మొదటగా మందాపాటి కవచం నుండి పుచ్చకాయ ముక్కలను వేరు చేసి కట్ చేసి పెట్టుకోవాలి.
2. తర్వాత మిక్సీలో పుచ్చముక్కలు, పంచదార, మిరియాల పొడి, పుదీనా ఆకులు, ఉప్పు గ్రైండ్‌ చెయ్యాలి.
3. దీన్ని అరగంట ఫ్రీజర్‌ లో పెట్టి తర్వాత బయటకు తీసి అందులో తేనె, కావలసినంత ఐస్ ముక్కలు వేసి, పుదీనా ఆకుతో గార్నిష్ గా అలంకరించి సర్వ్‌ చేయండి.
ఎంత ఎండలో వచ్చిన వారైనా ఈ పానీయం తాగితే కూల్‌ కూల్‌ అయిపోతారు.