స్వీట్ రోల్ కాజా...

Snacks

oi-Saraswathi

By Sindhu

Published: Wednesday, February 29, 2012, 18:43 [IST]

కావలసిన పదార్థాలు:
మైదా: 1/2kg
నెయ్యి: 50grm
ఉప్పు: చిటికెడు: చిటికెడు
వేరుసెనగపప్పు: 1cup
యాలకుల పొడి: 1tsp
శెనగపప్పు(పుట్నాలపప్పు): 1cup
జీడిపప్పు: 1cup
పంచదార: 1/2kg
నూనె: వేయించడానికి సరిపడా

తయారు చేయు విధానం:
1. మొదటగా పల్లీలు వేయించి పొట్టు తీసి పొడి చేయాలి. జీడిపప్పు కూడా విడిగా వేయించి పొడి చేయాలి. అలాగే పుట్నాల పప్పుని కూడా పొడి చేసి ఉంచాలి.
2. తర్వాత ఓ గిన్నెలో మైదా వేయాలి. అందులోనే కరిగించిన నెయ్యి, ఉప్పు వేసి కలపాలి. తర్వాత తగినన్ని నీళ్ళు పోసి పూరీ పిండిలా కలిపి మూతపెట్టి అరగంట పక్కన ఉంచాలి.
3. ఓ గిన్నెలో పల్లీల పొడి, పుట్నాలపొడి జీడిపప్పుపొడి, యాలకుల పొడి వేసి కలపాలి.
4. తర్వాత ఓ మందపాటి గిన్నెలో పంచదార వేసి అరకప్పు నీళ్లు పోసి తీగపాకం వచ్చేవరకూ మరిగించి దించేయాలి. ఇందులో కూడా కొద్దిగా యాలకులపొడి వేసి మూత పెట్టాలి.
5. మైదా పిండిని బాగా మర్థన చేసి చిన్న చిన్న ఉండలుగా చేసుకుని సన్నగా పొడవుగా చాపలా వత్తాలి. ఇప్పుడు అందులో పల్లీలపొడి మిశ్రమాన్ని ఉంచి చాపలా చుట్టాలి.
6. తర్వాత స్టౌ మీద పాన్ పెట్టి నూనె పోసి కాగకా ఈ మైదా రోల్స్ ను దోరగా వేయించి తీసి పాకంలో వేయాలి. వీటిని సుమారు పావుగంట సేపు పాకంలోనే ఉంచి తీసి వడ్డించాలి. అంతే స్వీట్ రోల్ కాజా రెడీ....