ట్రోపికల్ బ్రీజ్ ప్రోటీన్ మిల్క్ షేక్

Published: Friday, May 4, 2012, 11:42 [IST]

వేసవిలో చల్లచల్లగా ఏదైనా తాగాలని అనిపించడం సహజం. ఇక ఆహార ప్రియులకు అయితే తాగడం వరకు ఓ.కే.. అదే కాస్త వెరైటీ రుచి వుంటే ఇంకా బాగుంటుంది అని అనుకుంటారు. అటువంటి వారి కోసమే ఈ కొత్త రకం జ్యూసులు. వీటి పేరు కూడా కొత్తదే‌. ఒకసారి తాగితే చాలు మళీమళ్లీ తాగాలనిపించే రుచి దాని సొంతం. వివిధ రకాల పళ్లతో కూడుకున్న జ్యూస్ లు మార్కెట్లో లభిస్తున్నాయి. అంతర్జాతీయ పానీయాల సంస్థలు కూడా వీటిని అందిస్తున్నాయి. కానీ భారతీయ రుచికి తగినట్లుగా ఉండే విధంగా వీటిని ఇళ్లలోనే తయారు చేసుకునే అవకాశం ఉంది. వాటిని ఎలా తయారు చేసుకోవాలో చూద్దాం..

కావలసిన పదార్థాలు:
కాచి చల్లార్చిన పాలు: 1cup
బొప్పాయి ముక్కలు: 1cup
మామిడిపండు ముక్కలు: 1cup
అరటి పండు: 1cup
పైనాపిల్ లేదా స్ట్రాబెరీస్: 6-8
కొబ్బరిపాలు 4tsp
ఐస్ ముక్కలు: కప్పు
పంచదార: 1tbsp

తయారు చేయు విధానం:
1. ముందుగా పంచదార, బొప్పాయి ముక్కలు, మామిడి ముక్కలు, అరటి పండు, పైనాపిల్ ముక్కలు అన్నింటినీ కలిపి మిక్సీలో వేసి బ్లెండ్ చేసుకోవాలి.
2. ఈ మిశ్రమం మెత్తగా గ్రైండ్ అయిన తర్వాత పాలు కలిపి మరొకసారి బ్లెండ్ చేయాలి. ఈ ట్రోపికల్ బ్రీజ్ మిల్క్ షేక్ ను ఫ్రిజ్ లో పెట్టి గంట తర్వాత గ్లాసులో పోసి ఐస్ వేసి సర్వ్ చేయాలి. అంతే ట్రోపికల్ బ్రీజ్ ప్రోటీన్ మిల్క్ షేక్ రెడీ.