బెండకాయ-క్యాప్సికమ్ కూర

Veg

oi-Saraswathi N

By Sindhu

Published: Tuesday, May 4, 2010, 16:17 [IST]

కావలసిన పదార్థాలు:
బెండకాయలు: 1/2kg
అల్లం: 1tsp
సోయాసాస్: 1tsp
వెనిగర్: 2tsp
అజినామోటో: 1/2tsp
పచ్చిమిర్చి: 5
క్యాప్సికమ్: 1
కార్న్‌ఫ్లోర్: 1
ఉల్లిపాయ: 2
నూనె: తగినంత
ఉప్పు: రుచికి సరిపడా

తయారు చేయు విధానం:
1. ముందుగా బెండకాయలను రెండు వైపులా చివర్లు కట్ చేసి రెండేసి ముక్కలుగా కోసుకోవాలి.
2. సగం కార్న్‌ఫ్లోర్, సగం సోయాసాస్‌లలో ఉప్పు వేసి పలుచగా కలుపుకోవాలి. అందులో బెండ ముక్కలు వేసి స్టౌ మీద పెట్టి బంగారు రంగు వచ్చేదాకా వేయించాలి.
3. పచ్చిమిర్చి, క్యాప్సికమ్‌లను కట్ చేసుకొని, గింజలు తీసేయాలి.
4. పాన్ లో నూనె వేసి వేడయ్యాక అల్లం, వెల్లుల్లి ముక్కలు వేసి కాసేపు వేయించాలి. మిగిలిన సోయాసాస్ వేసి మరికాసేపు ఉంచాలి.
5. తర్వాత ఒక కప్పు నీళ్ళు, ఉప్పు, అజినమోటో వేసి బాగా ఉడికించాలి. బెండకాయ ముక్కలు వేసి కాసేపటికి కార్న్‌ఫ్లోర్ కొద్దిగా నీటిలో కలిపి పోయాలి. కొద్దిసేపయ్యాక కట్ చేసి పెట్టుకొన్న పచ్చిమిర్చి క్యాప్సికమ్ లను అందులో వేసి మూత పెట్టాలి. కూర చిక్కబడ్డాక దించి వెనిగర్ కలిపి సర్వ్ చేయాలి అంతే బెండకాయ క్యాప్సికమ్ కూర రెడీ.