కీరదోస సలాడ్-సమ్మర్ స్పెషల్

కీరదోసకాయకు ఆకట్టుకునే రూపం లేదు. దీని రుచియేమో చిరు చేదు. అయినా కూడా ఇష్టంగానో, కష్టంగానో తింటూనే ఉంటాం. అందుకే దాదాపుగా ప్రతి ఇంట్లో రోజు కనిపిస్తూనే ఉంటుంది. వేసవిలో అయితే మరీనూ. అదే మరి ‘కీరదోసకాయ'గొప్పదనం.

ప్రతి రోజూ మనం తినడానికి ఎన్నో రుచికరమైన పండ్లు , కూరగాయలు ఉండగా పనిగట్టుకుని మరీ అంతా కీర ముక్కలనే ఎందుకు తింటారు? ఇది ఆరోగ్యానికి చక్కని ఔషధం. సౌందర్యానికి ప్రియనేస్తం. ఊబకాయలకు బద్ధ శత్రువు. అన్నిటికీ మించి కీరకాయ.... వేసవి దాహం..తాపం తీర్చే మంచినీటి భండాగారం. ప్రధానంగా దీన్ని సలాడ్స్ లో, ఎక్కువగా ప్రపంచవ్యాప్తంగా తింటున్నారు.

కావల్సిన పదార్థాలు:

కీరదోసకాయలు : 2
టమోటో: 1
ఉల్లిపాయ: 1(అవసరమైతేనే/మీకు ఇష్టమైతేనే)
నిమ్మరసం: 1tbsp
ఛాట్ మసాలా: 1tsp
బ్లాక్ సాల్ట్: రుచికి సరిపడా

తయారు చేయు విధానం:
1. ముందుగా కీరదోసకాయను ముక్కలుగా కట్ చేసి స్లైస్(చక్రల్లా)గా కట్ చేసుకోవాలి.
2. తర్వాత టమోటో మరియు ఉల్లిపాయలను కూడా స్లైస్ లా కట్ చేసుకోవాలి.
3. ఇప్పుడు ఒక మిక్సింగ్ బౌల్ తీసుకొని, అందులో కీరదోస, టమోటో, ఉల్లిపాయ స్లైసులు అన్నీ వేయాలి.
4. ఇప్పుడు అందులో నిమ్మరసం, ఛాట్ మసాలా మరియు బ్లాక్ సాల్ట్ వేసి బాగా మిక్స్ చేసి సర్వ్ చేయాలి. అంతే కీరదోస సలాడ్ రెడీ. వెంటనే సర్వ్ చేయడం వల్ల గాస్ట్రిక్ సమస్యను నివారించవచ్చు. మీకు ఫర్ ఫెక్ట్ సలాడ్ కావాలనుకుంటే మీరు ఇతర కూరగాయలు(క్యారెట్, బీట్ రూట్, క్యాబేజ్ వంటివి)కూడా మిక్స్ చేసి తయారు చేసుకోవచ్చు.