గుమ్మని వాసన-కమ్మని రుచి-దాల్ తడకా(పప్పుచారు)...

Veg

oi-Saraswathi

By Sindhu

Published: Wednesday, October 12, 2011, 15:07 [IST]

భిన్న దేశాల్లో విభిన్న రుచులు చవిచూసిన ఓ బ్రిటన్ రచయిత భారతీయ పప్పుకు సాటి మరే వంటకం లేదంటున్నారు. తన అభిమాన వంటకమైన పప్పును 'లైఫ్ సేవింగ్ డిష్ '(ఎల్ఎస్‌డీ) గా రచయిత సిమోన్ మజుందార్ అభివర్ణిస్తున్నారు. 30 దేశాల్లోని శాకాహార, మాంసాహార వంటకాల్లో ఉత్తమమైన వాటి కోసం అన్వేషించారు. చివరకు భారతీయ పప్పు అత్యుత్తమ వంటకమని తేల్చేశారు.కంది పప్పుని వివిధమైన పాత్రలలో వండుతారు, పప్పు వండే విధానాన్ని బట్టి రుచిలో తేడా ఉంటుంది. పప్పు లేదా పప్పు కూర ఆంధ్రులు ఎంతో ఇష్టంగా అన్నంలో కలుపుకొని తినే పదార్థం. తెలుగు వారి భోజనంలో తప్పనిసరిగా ఉండేది పప్పు. పప్పు భారతదేశంలో అన్ని ప్రాంతాల వాళ్ళూ వేర్వేరు రకాలుగా చేస్తారు.

కావలసిన పదార్థాలు:
కందిపప్పు: 1
ఉల్లిపాయ: 1(చిన్నగా కట్ చేసినవి)
టమోటో (నాటీ టమోటా): 3
వెల్లుల్లి రెబ్బలు: 5
కొత్తిమిర తరుగు: కొద్దిగా
ఎండు మిర్చి: 4
పచ్చిమిర్చి: 2(పొడవుగా కట్ చేసినవి)
జీలకర్ర: 1
జీలకర్ర పొడి: 1
కారం: 1/2
ఇంగువ: చిటికెడు
నెయ్యి: 2
ఉప్పు: రుచికి సరిపడా

తయారు చేయు విధానము:
1. మొదటగా ప్రెషర్ కుక్కర్ లో కొద్దిగా నెయ్యివేసి వేడిచేయాలి. అందులో కొద్దిగా జీలకర్ర వేసి అవి నెయ్యిలో చిటపటలాడాక అందులో కట్ చేసి పెట్టుకొన్న ఉల్లిపాయలు మరియు వెల్లిల్లు రెబ్బలు వేసి వేయించాలి.
2. ఉల్లిపాయలు గోదుమవర్ణంలో వచ్చేంత వరకూ తక్కువ మంటపై వేయిస్తూ ఉండాలి.(అంతలోపు కందిపప్పు మంచి నటితో శుభ్రం చేసి పెట్టుకోవాలి)
3. ఇప్పుడు టమోటో ముక్కలు, పచ్చిమిర్చి, వేసి వేయించాలి. ఉప్పు కూడా ఇప్పుడే వేస్తే గనుక కుక్కర్ లోని మిశ్రమం అంతా బాగా కలుస్తుంది.
4. తర్వాత శుభ్రం చేసి పెట్టుకొన్న పప్పును అందులో వేసి మూడు కప్పుల నీళ్ళు పోసి, మూత పెట్టి మూడు విసిల్స్ వచ్చే వరకు ఉడకబెట్టాలి.
5. తర్వాత మరో బౌల్ తీసుకొని అందులో కొద్దిగా నెయ్యి వేసి వేడయ్యాక అందులో కరివేపాకు, ఆవాలు, ఎండుమిర్చి, జీలకర్ర పొడి, కారం పొడి, ఇంగువ వేసి 30సెకన్స్ వేయించి వెంటనే ఉడికించి పెట్టుకొన్న పప్పుమిశ్రమాన్ని అందులో వేసుకోవాలి.
6. అంతే వేడివేడి కమ్మని దాల్ తడకా రెడీ. కొత్తిమీర తరుగుతో గార్నిష్ చేసి సర్వ్ చేస్తే సరి...రోటీ, వేడివేడి అన్నము కు చాలా టేస్టీగా వుండి మంచి కాంబినేషన్..మీరు ట్రై చేసి చూడండి..