పచ్చిమిరపకాయ తో ఊరగాయ

కావలసిన పదార్థాలు:
తాజాగా ఉండే పచ్చిమిరపకాయలు: 20(పొడవుగా పచ్చగా ఫ్రెష్ గా ఉండాలి)
ధనియాలు: 2tbsp
సోపు(సోంపు): 1tbsp
మెంతులు: 1tsp
ఉప్పు రుచికి సరిపడా
ఆమ్ చూర్ (మామిడికాయ పొడి): 1tbsp
పసుపు:1/2tsp
వెనిగర్: 1tbsp
ఆవాలు: 1tsp
నూనె తగినంత

తయారు చేయు విధానం:
1. ముందుగా పచ్చిమిరప కాయలను మంచి నీళ్ళలో శుభ్రం చేసి, పొడి బట్టతో బాగా తుడిచి పక్కన పెట్టుకోవాలి. తడి ఆరిన తర్వాత పచ్చిమిరపకాయను నిలువుగా ఒక సైడ్ లో కట్ చేసుకోవాలి.
2. తర్వాత ధనియాలు, సోపు, మెంతులు తీసుకొని వీటి గరుకుగా పొడి చేసి పక్కన పెట్టుకోవాలి.
3. ఇప్పుడు స్టౌ మీద పాన్ పెట్టి అందులో నూనె వేసి వేడయ్యాక పోపుకు వేయాల్సిన పదార్థాలు, గ్రైడ్ చేసుకొన్న పొడి అందులో వేసి దానికి వెనిగర్ చేర్చి బాగా మిక్స్ చేయాలి.
4. తర్వాత మద్యకు కట్ చేసి పెట్టుకొన్న పచ్చిమిర్చిలో పోపుతో తయారు చేసి పెట్టుకొన్న పొడి మిశ్రమాన్ని నింపుకోవాలి.
5. ఇలా నింపుకొన్న పచ్చిమిర్చినీ గాజు జార్ లో వేసి మూత పెట్టి బయట ఎండలో ఒకటి లేదా రెండు రోజుల పాటు పెట్టాలి. తర్వాత దీన్ని ఇంట్లో కి తీసుకొచ్చి ఫ్రిజ్ లో కూడా పెట్టుకోవచ్చు ఇది ఒక నెల పాటు తాజాగా ఉంటుంది. అంతే గ్రీన్ చిల్లి పికెల్ రెడీ.