స్పైసీ బీన్స్ ఉస్లీ

Veg

oi-Saraswathi

By Sindhu

Published: Friday, July 13, 2012, 17:41 [IST]

ఉస్లీను ని వివిధ రకాల కూరగాయలతో తయారు చేసుకోవచ్చు. బీన్స్ తో తయారు చేసుకొనే ఉస్లీ ప్రోటీన్స్ సంమృద్దిగా లభించేటటువంటి వంటకం. అన్నీ సమపాళ్లలో కలిస్తేనే రుచి కుదురుతుంది. దేనికైనా మరింత పెంచే ఎస్సెన్స్ యాడ్ చేస్తేనే డిషెస్ డిలీషియస్‌గా మారుతాయి. అలాంటి ఓ వెజ్ వంటమకే బీన్స్ ఉస్లీ

కావలసిన పదార్థాలు:
బీన్స్ : 2cups
కందిపప్పు: 1/2cup
శనగపప్పు: 1/2cup
కొబ్బరి తురుము: షగా.
పచ్చిమిరపకాయలు: 8
ఉల్లిపాయ: 1
జీలకర్ర: 1tsp
ఆవాలు: 1tsp
ఎండు మిరపకాయలు: 3
వెల్లుల్లిపాయ రెబ్బలు: 4
కొత్తిమీర: ఒక కట్ట
కరివేపాకు: రెండు రెమ్మలు
పసుపు: చిటికెడు
ఉప్పు: రుచికి తగినంత

తయారు చేసే విధానం:
1. ముందుగా బీన్స్‌ని చిన్న చిన్న ముక్కలుగా చేసి ఉడికించి పక్కన పెట్టుకోవాలి.
2. తర్వాత కందిపప్పు, శనగపప్పును. పచ్చిమిర్చి నానబెట్టి మొత్తని పొడిలేదా బరకగా మిక్సీలో పట్టించి పక్కన పెట్టుకోవాలి.
3. దీన్ని కాస్త నూనె వేసుకొని వేయించుకొని పక్కన పెట్టుకోవాలి. పచ్చిమిరపకాయలను పేస్ట్ చేసుకోవాలి.
4. ఇప్పుడు పాన్ లో నూనె వేసుకొని జీలకర్ర, ఆవాలు, వెల్లుల్లిపాయలు, ఎండుమిరపకాయలు, ఉల్లిపాయ ముక్కలు బ్రౌన్ కలర్ వచ్చేవరకు వేయించాలి.
5. తరువాత కరివేపాకు బీన్స్, కందిపప్పు, శనగపప్పు పొడి, పచ్చిమిరపకాయల పేస్ట్, ఉప్పు, పసుపు, కొబ్బరి తురుము వేసి బాగా కలపాలి. బాగా వేగాక కొత్తిమీర చల్లుకొని దించేయాలి. అంతే బీన్స్ ఉస్లీ రెడీ!