కృష్ణాష్టమి 2020 : చిన్నికృష్ణుడిని ఎలా ఆరాధించాలి... శుభముహుర్తం ఎప్పుడంటే..

శ్రీకృష్ణుడు పుట్టిన సమయం..

పురాణాల ప్రకారం.. శ్రీకృష్ణుడు శ్రావణ మాసంలో అష్టమి రోజున రోహిణి నక్షత్రంలో అర్థరాత్రి సమయంలో జన్మించాడు. కాబట్టి ఈరోజున కృష్ణాష్టమి, గోకులాష్టమి, శ్రీకృష్ణ జయంతిని జరుపుకుంటారు.

శ్రీకృష్ణ జన్మాష్టమి శుభ సమయం..

శ్రావణ మాసంలోని అష్టమి రోజున ఈ శుభ సమయం సుమారు 24 గంటల పాటు ఉంటుంది.

ముహుర్తం ప్రారంభ సమయం : ఆగస్టు 11వ తేదీ ఉదయం 9:06 గంటలకు

ముహుర్తం ముగింపు సమయం : ఆగస్టు 12వ తేదీ తెల్లవారుజామున 03:27 గంటలకు

రోహిణి నక్షత్రం ప్రారంభ సమయం : ఆగస్టు 13వ తేదీ తెల్లవారుజామున 03:27 గంటలకు

రోహిణి నక్షత్రం ముగింపు సమయం : ఆగస్టు 14వ తేదీ ఉదయం 05:22 గంటలకు

శ్రీకృష్ణుని పూజా విధానం..

కృష్ణ జన్మాష్టమి రోజున చిన్నికృష్ణున్ని ఆరాధిస్తాం. అంటే చిన్న పిల్లలకు ఒంటికి నూనె రాసి, నలుగు పెట్టి, స్నానం చేయించి, అలంకరించి ఎంత మురిపెంగా చూసుకుంటామో.. అదే విధంగా చిన్ని కృష్ణున్ని కూడా అలాగే ఆరాధించాలి.

అభిషేకానికి ముందు..

చిన్నికృష్ణుని విగ్రహానికి పంచమ్రుతాలతో, ఆ తర్వాత గోరువెచ్చని నీటితో అభిషేకం చేయాలి. అనంతరం కొత్త బట్టలు కట్టి, ఆభరణాలతో అలంకరించాలి.

తులసి మాలను మెడలో..

శ్రీకృష్ణుడికి తులసీ దళాలంటే చాలా ఇష్టం. కాబట్టి శ్రీకృష్ణుని తులసి మాలను మెడలో వేయాలి. పువ్వులను, ప్రసాదాలను నైవేద్యంగా సమర్పించాలి. ఆ తర్వాత కృష్ణుని విగ్రహాన్ని ఊయలలో ఉంచి లాలి పాట పాడుతూ ఊయలను ఉపాలి. ముత్తయిదవులను పిలిచి వాయినాలివ్వాలి. అనంతరం కాసుపు గీతాపఠనం చేయాలి.

శ్రీకృష్ణాష్టమి నైవేద్యం..

చిన్నికృష్ణుడికి వెన్న అంటే చాలా ఇష్టం. కృష్ణాష్టమి రోజున ఆ వెన్ననే నైవేద్యంగా సమర్పించాలి. అయితే పురాణాల ప్రకారం, కృష్ణాష్టమి రోజున 102 రకాల పిండి వంటలు చేయాలి. ఆరు రకాల పానీయాలు తయారు చేసి నైవేద్యం పెట్టాలి. వాటిని మనం తీసుకున్న తర్వాత ఇతరులకు పంచాలి.

తెలుగు రాష్ట్రాల్లో..

మన తెలుగు రాష్ట్రాల్లో కృష్ణాష్టమి సందర్భంగా వెన్న, పాలు, పెరుగు, బెల్లం, అటుకులు, శనగపప్పు వంటి వాటిని కూడా నైవేద్యంగా సమర్పిస్తారు. అంతేకాదు.. సొంఠితో తయారు చేసిన కట్టెకరం, చక్కెర కలిపిన మినప్పిండిని కూడా నైవేద్యంగా పెడతారు. ఈ రెండూ బాలింతలకు పెట్టే ఆహారం కావడం గమనార్హం. ఎందుకంటే అప్పుడే శ్రీకృష్ణుడు అప్పుడే జన్మించాడు.