Maha Shivratri 2022:శివరాత్రి వేళ ఈ పరిహారాలు పాటిస్తే.. ఆర్థిక బాధల నుండి విముక్తి లభిస్తుందట...!

శివరాత్రి రోజున..

మహా శివరాత్రి రోజున జ్యోతిర్మయ రూపంలో ఒక మహాలింగ రూపంలో శివుడు ఉద్బవించాడని చాలా మంది నమ్ముతారు. ఈ పవిత్రమైన రోజున ఈశ్వరుడు తన దర్శనం ద్వారా విశన్నంతటినీ దేదీప్యమానం చేసిన ఈ సమయంలో అస్సలు నిద్ర పోకూడదట.

రాత్రంతా జాగరణ చేసి మేలుకుంటే మంచి ఫలితాలొస్తాయని పండితులు చెబుతున్నారు.

బిల్వ పత్రాలు..

పురాణాల ప్రకారం, మహా శివరాత్రి రోజున పద్నాలుగు లోకాల్లో ఉండే పుణ్యతీర్థాలన్నీ బిల్వ మూలంలో ఉంటాయి. అందుకే ఈ పవిత్రమైన రోజున ఉపవాసం ఉండి ఒక్క బిల్వ పత్రాన్ని పరమేశ్వరుడికి సమర్పించి తరించమని శాస్త్రాలు చెబుతున్నాయి. అనంతరం మహా శివరాత్రి రోజున పరమేశ్వరుని ఆలయాల్లో జరిగే పూజల్లో పాల్గొంటే సిరి సంపదలు పెరుగుతాయని వేద పండితులు చెబుతుంటారు.

ఈ పరిహారాలు పాటించండి..

* మహా శివరాత్రి రోజున పరమేశ్వరునికి పెరుగుతో రుద్రాభిషేకం చేస్తే సంపద పెరుగుతుంది.

* ఆ భోలేనాథుడికి చెరుకు రసంతో అభిషేకం చేస్తే లక్ష్మీ దేవి అనుగ్రహం లభిస్తుంది.

* మహా శివరాత్రి రోజున తేనే మరియు నెయ్యితో శివలింగానికి అభిషేకం చేస్తే మీ సంపద పెరుగుతుందని, మీకు శుభ ఫలితాలొస్తాయి.

* మీకు రావాల్సిన బకాయిలు ఉంటే, మహా శివరాత్రి రోజున శివుని వాహనం నంది అంటే ఎద్దుకు పచ్చి మేత తినిపిస్తే మంచి ఫలితాలొస్తాయి.

* మహా శివరాత్రి రోజున సాయంత్రం 108 మహామృత్యుంజయ మంత్రాలు జపించండి.

శివరాత్రి వేళ ఈ పరిహారాలు పాటిస్తే.. డబ్బు సమస్యలు తగ్గిపోతాయి..!

* మీ జాతకంలో గ్రహాల స్థితి బలహీనంగా ఉంటే, మహా శివరాత్రి రోజున మీరు శివ లింగానికి ఆవు పాలతో అభిషేకరం చేసి, ఓం నమః శివాయ అనే మంత్రాన్ని జపించాలి.

* ఉద్యోగులకు లేదా వ్యాపారులకు ఏదైనా సమస్య ఉంటే, మహా శివరాత్రి రోజున ఉపవాసం ఉండి, నీటిలో తేనే కలిపి శివలింగానికి అభిషేకం చేయాలి. దానిమ్మ పువ్వులను సమర్పించాలి.

* మహా శివరాత్రి రోజున పేదలకు సహాయం చేయడం వల్ల జీవితంలోని అన్నిరకాల సమస్యలు తీరతాయి.

* మీరు మీ కోరికలను నెరవేర్చుకోవాలనుకుంటే, మహా శివరాత్రి రోజున, మీరు శివునికి ఇష్టమైన వస్తువులను సమర్పించాలి.

* మహా శివరాత్రి రోజున వెండి కమలంతో శివునికి జలధారతో అభిషేకం చేస్తూ, ఓం నమః శివాయ, ఓం పార్వతీపతయే నమః అనే మంత్రాలను 108 సార్లు జపిస్తే ఆర్థిక పరంగా శుభప్రదంగా ఉంటుంది.