వాస్తు ప్రకారం తులసి మొక్క వద్ద ఏ వస్తువులు ఉంచకూడదో తెలుసా.. లేదంటే అరిష్టాలు తప్పవు.!

హిందూ మతంలో తులసి మొక్కను అత్యంత పవిత్రమైనదిగా భావిస్తారు. అందుకే ఎప్పుడూ తులసి మొక్కకి జలాభిషేకం, దీపారాధన, పూజలు తప్పనిసరిగా పాటిస్తారు. ఇక శ్రావణ మాసంలో లక్ష్మీదేవి స్వరూపిణిగా తులసిని పూజిస్తారు. విష్ణుమూర్తికి ఎంతో ప్రీతికరమైన తులసిని శుభానికి, శ్రేయస్సుకి, పాజిటివ్ ఎనర్జీకి చిహ్నంగా భావిస్తారు. ఈ క్రమంలో వాస్తు శాస్త్రం ప్రకారం తులసి మొక్క చుట్టూ కొన్ని వస్తువులు ఉంచడం అశుభంగా భావిస్తారు. మరి అవేంటో చూద్దాం..

చెత్త వేయకూడదు

వాస్తు శాస్త్రం ప్రకారం తులసి మొక్క చుట్టూ చెత్త కుండీలు గాని, చెత్తాచెదారం కానీ పేరుకుపోకుండా చూడాలి. మొక్క చుట్టూ ఎప్పుడూ పరిశుభ్రంగా ఉంచుకోవాలి. తులసి చుట్టూ చెత్త వేయడం ద్వారా పాజిటివ్‌ ఎనర్జీ ఇంట్లోకి రాకుండా నివారిస్తుంది. ఫలితంగా మానసిక సమస్యలు, ఆర్థిక ఇబ్బందులు తలెత్తే అవకాశం ఉంది.

వాస్తు శాస్త్రం ప్రకారం ఇంట్లో ఎన్ని అద్దాలు అమర్చాలి, ఏ దిశలో ఉంచాలో తెలుసా.!

పాద రక్షలు

తులసి మొక్క సమీపంలో బూట్లు, చెప్పులు కానీ పెట్టకూడదని వాస్తు శాస్త్రం చెబుతోంది. సాధారణంగా తులసి మొక్కను ఇంటి ప్రధాన ద్వారం వద్ద ఉంచుతారు. ఈ క్రమంలో మీ ఇంట్లో కూడా అలాగే ఉంటే.. తులసి సమీపంలో పాదరక్షలు పెట్టకుండా చూసుకోండి. లేదంటే వాస్తు దోషాలు కలగవచ్చు. బయట నుంచి వచ్చే దుమ్ము, మురికి పాదరక్షలకి అంటుకోవడం ద్వారా ఆ గాలి తులసి మొక్కకు పారే ప్రమాదం ఉంది. అందుకే ఆ ప్రాంతాన్ని శుభ్రంగా ఉంచుకోవాలి.

ముళ్ల మొక్కలు

తులసి మొక్క దగ్గర ముళ్ల మొక్కలను నాటడం అశుభంగా వాస్తు శాస్త్రం పరిగణిస్తోంది. తులసి సమీపంలో ముళ్ల మొక్కలు ఉంటే అది ఇంట్లో పాజిటివ్ ఎనర్జీపై ప్రభావం చూపిస్తుంది. వాస్తు శాస్త్రం ప్రకారం సరైన దిశ, ప్రదేశంలో తులసి మొక్కను ఉంచాలి.

పాత వస్తువులు

పాత వస్తువులు, వాడని వస్తువులను తులసి కుండీ దగ్గర ఉంచకూడదు. ఇది ప్రతికూల ప్రభావాన్ని కలుగజేస్తుంది. శుభ్రమైన, మంచి ప్రదేశంలో మాత్రమే తులసీ మొక్కను ఉంచి కాపాడుకోవాలి. ఆ ప్రదేశంలో చీపురు, తుడుపు కర్ర, చెత్త బుట్ట, ఇంకా ఇంటిని, వాకిలిని శుభ్రపరిచే ఇతర వస్తువులను ఉంచకూడదు. దీని వల్ల ఇంట్లో పాజిటివ్‌ ఎనర్జీ తగ్గిపోయి నెగిటివ్‌ ఎనర్జీ పడుతుంది.

తులసి మొక్క ఇలా మారితే అశుభానికి సంకేతమా.. వాస్తు నిపుణులు ఏం చెబుతున్నారంటే.!

వాస్తు సలహాలు

ఎప్పుడైనా తులసి మొక్క ఎండిపోయినా, వాడిపోయినా వెంటనే వాస్తు ప్రకారం మంచి రోజు చూసి కొత్త మొక్కను నాటడం శ్రేయస్కరం.

Disclaimer: ఈ ఆర్టికల్ లో ప్రస్తావించబడిన రత్నాల ప్రయోజనాలు సాంప్రదాయ నమ్మకాలు, జ్యోతిషశాస్త్ర పద్ధతులపై ఆధారపడి ఉంటాయి. ఫలితాలు వ్యక్తి నుండి వ్యక్తికి మారవచ్చు. జ్యోతిషశాస్త్ర ప్రయోజనాల కోసం ఏదైనా రత్నాన్ని ధరించే ముందు ధృవీకరించబడిన జ్యోతిష్కుడు లేదా రత్న నిపుణుడిని సంప్రదించండి. ఈ కంటెంట్ సమాచార ప్రయోజనాల కోసం మాత్రమే ఉద్దేశించబడింది.