ఆయుర్వేదం ద్వారా కాలి పగుళ్ళు అరికట్టడం ఎలా

1.యోగాసనాలు:

వినడానికి ఆశ్చర్యకరంగా ఉన్నా ఇది నిజం. కొన్ని రకాల ఆసనాల ద్వారా కాలి పగుళ్ళని అరికట్టవచ్చు.ఉదాహరణకి చంద్ర భేదనాసనం, భస్త్రిక ప్రాణాయామం, శీత్కరీ ప్రాణాయామం, శీతలి పాణాయామం మొదలైనవి. ఇవన్నీ మీ పగుళ్ళ నివారణకి సమర్ధవంతంగా తోడ్పడతాయి.వెంటనే నిపుణులైన యోగా గురువుని సంప్రదించండి.

2.సరైన ఆహారం:

ఆయుర్వేదం ప్రకారం కాలి పగుళ్ళ నివారణకు సరైన ఆహారం తీసుకోవడం చాలా ముఖ్యం. పగుళ్ళు నివారించాలంటే మీ ఆహారంలో రిఫైండ్ ఫ్లోర్స్ అనగా మైదా,ఉడకబెట్టిన టమాటాలు, వంకాయ, బంగాళదుంప నిషిద్ధం.కానీ వెల్లుల్లి, ఉల్లి, నెయ్యి, వెన్నలని మీ ఇష్టం వచ్చినంత తీసుకోవచ్చు.

3.ఆయుర్వేద లేపనాలు:

అశ్వ గంధ నూనె మరియూ జాత్యాది నూనె కలిపి వెచ్చబెట్టి కషాయాన్ని తయారు చేసి పడుకోబోయేముందు పగుళ్ళ మీద రాసుకోవాలి. మీ పాదాలని కాటన్ సాక్సులతో కప్పి ఉంచడం మరిచిపోకండి సుమా.మరుసటి రోజు ఉదయం వెచ్చటి నీరు, తక్కువ గాఢత కలిగిన సబ్బుతో పాదాలు కడుక్కోండి.

4.పాదస్నానం:

మీ పాదాల చర్మాన్ని మృదువుగా మార్చుకోవాలంటే వెచ్చటి నూనెలో ఆయుర్వేద నూనెలైన లావెండర్ నూనె లేదా పచ్చౌలీ లేదా రోజ్ నూనె వేసి దానిలో కాసిని గులాబీ రేకులు కలపండి. ఓ ఇరవై నిమిషాలపాటు పాదాలు అందులో ఉంచి తియాలి. ఇలా తరచూ చేస్తే మంచి ఫలితం ఉంటుంది.

5.తడి సాక్సులూ అవీ ధరించద్దు:

తడి షూస్ ఎలదా సాక్సులు మీ శరీరం నుండీ తేమ ని పీల్చేసుకుని చర్మాన్ని పొడి బారేటట్లు చేసి పగుళ్ళకి కారణమవుతాయి. అందువల్ల ఎప్పుడూ తడి బూట్లు లేదా సాక్సులు ధరించవద్దు.

6.చెప్పుల్లేకుండా నడవటం:

ఆయుర్వేదంలో కాలి పగుళ్ళు నయం చేయడానికి ఇది మరొక పద్ధతి.మన పాదాలు నేరుగా భూమిని తాకడం వల్ల అనేక రోగాలు నయమవుతాయి.ప్రతీరోజూ పొద్దున్నే కొంత సేపు పచ్చగడ్డిలో చెప్పుల్లేకుండా నడవటం మీ పాదాలకే కాదు కంటి చూపుకు కూడా మంచిది.