శీతాకాలంలో పొడి జుట్టు సంరక్షించుకోవడం

1. ఒక అరటి పండును, రెండు స్పూన్ల ఆలీవ్‌ నూనె, రెండు స్పూన్ల పెరుగును బాగా కలిసి తల స్నానం చేసిన కురులకు బాగా రాయాలి. అరగంట తర్వాత శుభ్రంగా చల్లటి నీటితో కడగాలి.

2. రెండు గుడ్ల తెల్లసొనను, మూడు టేబుల్‌ స్పూన్ల మయోన్నైస్‌ ను బాగా కలిపి కురులకు రాయాలి. ప్లాస్టిక్‌ క్యాప్‌ ను ధరించి పొడిటవల్‌ తో కవర్‌ చేసి అరగంట తర్వాత స్నానం చేయాలి.

3. చుండ్రు ఉన్న పొడి కురుల కొరుకు రెండు స్పూన్ల స్వచ్ఛమైన కొబ్బరినూనెను వేడిచేసి దానికి ఓ స్పూను నిమ్మరసాన్ని కలిపి జుట్టుకు బాగా మసాజ్‌ చేయాలి. రాత్రంతా అలా వుంచి, ఉదయాన్నే షాంపూతో స్నానం చేయాలి.

4. ఐదు టేబుల్‌ స్పూన్ల పెరుగుకు రెండు స్పూన్ల మెంతుల పొడిని కలిపి జుట్టుకు మర్దించి అరగంట తర్వాత స్నానం చేయాలి.

5. రెండు స్పూన్ల నిమ్మరసం, రెండు స్పూన్ల ఆలీవ్‌ నూనె, రెండు స్పూన్ల మయోన్నైస్‌ ను బాగా కలిసి కురులకు రాయాలి. అరగంట తర్వాత స్నానమాచరిస్తే శిరోజాలు మెరుస్తాయి.

6. ఓ అరటి పండును మెత్తగా చిదిమి, దానికి ఓ టేబుల్‌ స్పూన్‌ తేనెను కలిపి ఆమిశ్రమాన్ని కురులకు రాస్తే తల దురదలు వుండవు.