చుండ్రు నివారణకు హెయిర్ మాస్క్...!

Published: Tuesday, April 10, 2012, 17:24 [IST]

జుట్టు సంరక్షణలో జుట్టు రాలడం, తెల్ల జుట్టు, జుట్టు పొడిబారటం, కేశాలు చిట్లిపోవడం ఇటువంటివి ఒక సమస్య అయితే, మరో అతి పెద్ద సమస్య చుండ్రు. చుండ్రు సమస్యకు పలురకాల కారణాలున్నాయి. ఫంగల్ ఇన్ ఫెక్షన్, తల్లోని నూనె గ్రంథులు స్రవించడం తగ్గిపోవడం, వాతావరణంలో మార్పులు, నురగ ఎక్కువగా వచ్చే షాంపూలు తరచూ వాడటం, కాలుష్యం..వంటివన్నీ ఈ సమస్యకు కారణాలు. దానికి తోడు తీసుకునే ఆహారం కూడా ఈ సమస్యను మరింత పెంచుతుంది. చుండ్రు పెరిగే కొద్ది ముఖంలో మొటిమలు పెరుగుతాయి. ముఖం జిడ్డుగా తయారవుతుంది. అందుకే ఆహారంలో మార్పులతో పాటు మరికొన్ని జాగ్రత్తలు మీకోసం...

ముఖ్యంగా తినే ఆహారంలో పులుపు, కారం వంటివి తగ్గించి...కొవ్వు శాతం తక్కువగా ఉన్న పదార్థాలను ఎంచుకోవాలి. మలబద్దకం లేకుండా చూసుకోవాలి. అందుకోసం పీచుశాతం ఎక్కువగా ఉన్న ఆహారపదార్థాలను తింటుండాలి.

కొబ్బరి లేదా ఆలివ్ ఆయిల్ లో కలబంద గుజ్జు కలిపి మాడుకు మృదువుగా మర్దన చేస్తుండాలి. దీనివల్ల రక్త ప్రసరణ బాగా జరుగుతుంది. జుట్టు పెరగడానికి ఉపయోగపడుతుంది. చుండ్రు సమస్య కూడా అదుపులో ఉంటుంది.

రెండు పారిజాత గింజల పొడి, రెండు టీస్పూన్ల గుజ్జులా చేసి మందారాకుల ముద్దలో కలపి తకలకు మాస్క్ లా వేయాలి. రెండు గంటలయ్యాక కుంకుడు కాయ రసంతో తలస్నానం చేస్తే సమస్య త్వరగా తగ్గిపోతుంది.

అరటీస్పూన్ మెంతిపొడి, అరటీస్పూన్ గసగసాలు కొద్దిగా వేపపొడి తీసుకొని కొద్దిగా నీళ్ళు పోసి మెత్తటి పేస్ట్ లా తయారు చేసుకొని తలకు మాస్క్ లా వేసి రెండు గంటల తర్వాత తలస్నానం చేసుకోవాలి.

ఒక కప్పు మందారాకులు, పావుకప్పు ఎండిన పారిజాతం గింజల్ని కలిపి మెత్తాగా పేస్ట్ చేసి ఇందులో కొబ్బరినూనె, నీళ్ళు కనిలి బాగా మిరిగించాలి. ఇది తైలంలా తయారయ్యాక ఈ తైలాన్ని తరచూ తలకు రాసుకోవాలి.

ఆలివ్ ఆయిల్ లేదా నువ్వుల నూనెను గోరువెచ్చగా చేసి తలకు మర్దన చేయాలి. మరసటి రోజు తలకు పెరుగు మెంతులు, నిమ్మరసం కలిపి తలకు రాసి గంట తర్వాత తలస్నానం చేయాలి.

పొడిబారిన శిరోజాలు మృదువుగా చేయడానికి ఉసిరి సహజసిద్దమైన కండిషనర్ గా పనిచేస్తుంది. జుట్టు రాలిపోవడాన్ని తగ్గించి చుండ్రు లేకుండా చేస్తుంది.