వెంట్రుక భాగాల శుభ్రత ఇలా..!!

Published: Tuesday, October 4, 2011, 12:21 [IST]

పలువురి మహిళలకు స్లీవ్‌లెస్ వస్త్రాలు ధరించాలన్న తహ తహ ఉన్నప్పటికి చంకభాగాల్లో వ్యాప్తి చెందే నల్లటి మచ్చలు, తదితర సమస్యల కారణంగా వెనకడుగు వేస్తారు. ఈ భాగాల్లో వ్యాపించే వెంట్రుకలను శుభ్రం చేసుకోవటంలో పలువురు మహిళలు విఫలమవుతన్నారని, అవగాహనలేకపోవటం వల్లనే ఈ సమస్య మరింత ఉదృతమవుతుందని నిపుణులు సూచిస్తున్నారు. సులువైన పద్దతులతో చంకభాగాలను కాంతి వంతం చేసుకునేందుకు పలు చిట్కాలు బ్యూటీషియన్ల మాటల్లోనే...

- ఘాటైన సువాసనను విడుదల చేసే సుబ్బులను వాడటం అంత మంచిది కాదు, ఈ సబ్బులను ఉపయోగించడం వల్ల చర్మం పొడిబారటంతో పాటు చెమట మరింత వ్యాప్తి చెందుతుంది. నిమ్మరసం పిండిన గోరు వెచ్చటి నీటితో స్నానం చేయ్యటం ఉత్తమం. ఎటువంటి హాని తలపెట్టని సహజసిద్దమైన సబ్బుతో చంక భాగాలను
శుభ్రం చేసుకోవాలి.

- మన్నికైన డియోడ్రెంట్ బ్రాండ్‌లను ఎంచుకోండి. డియోడ్రెంట్‌లను డైరెక్టుగా చర్మం పై స్ప్రే చేయ్యకండి. ఇలా చేయ్యటం వల్ల దురదల వ్యాపించటంతో పాటు చర్మం నల్లటి రూపును సంతరించుకుంటుంది. సహజసిద్ధమైన శాండిల్‌వుడ్ టాల్కమ్ పౌడర్‌ను ఉపయోగించటం ఉత్తమం.

- చంక భాగాల్లో వ్యాప్తి చెందే వెంట్రుకులను, క్రీమ్ రాసిన అనంతరం కంగారు లేకుండా షేవ్ చేసుకోండి. షేవింగ్ సమయంలో ఎటువంటి ఒత్తిడికి లోనైనా సెఫ్టిక్ అయ్యేఇబ్బంది పడాల్సివస్తుంది. ట్రిమ్మింగ్ విధానం కూడా వెంట్రుకల తొలగింపుకు దోహపడుతుంది. తరచూ బ్లీచింగ్ చేయ్యటం వల్ల వెంట్రుక భాగాలు కాంతివంతంగా దర్శనమిస్తాయి.

- చంక భాగాల్లో చెమట సమస్యతో భాదపడే వారు టవల్ లేదా టిష్యుతో ఆ భాగాలను ఎప్పటికప్పుడు శుభ్రం చేసుకోవాలి. శెనగపిండిలో, ముల్తానా మట్టిని కలిపి రోజు చెమట భాగాలను శుభ్రపరుచుకుంటే సమస్య నియంత్రణలోకి వస్తుంది.

- చంక భాగాల్లో దురుద సమస్యతో భాదపడే వారు కాస్మోటిక్ వాడకాన్ని తగ్గించి, విటమిన్ 'E' నూనెతో ఆ భాగాలను రోజు శుభ్రపరుచుకోవాలి.

- పై సమస్యలతో భాదపడే మహిళలు కాటన్ దుస్తులను ధరించటం ఉత్తమం.