ఆలివ్ ఆయిల్ వాడుతున్నారా.. జాగ్రత్త సుమా

యాక్నే

ఆలివ్ ఆయిల్ ని మసాజ్ చేసినా.. ఇది చర్మంలోకి త్వరగా ఇంకిపోదు. ఆలివ్ ఆయిల్ ని ముఖానికి రాస్తే.. చర్మంపై ఒక పెచ్చులా ఏర్పడుతుంది. జిడ్డు కారణంగా.. దుమ్ము, ధూళి పేరుకుని.. యాక్నే, పింపుల్స్ కి కారణం అవుతుంది.

దద్దుర్లు

ముఖానికి ఆలివ్ ఆయిల్ రాయడం వల్ల చర్మ కాంతి రెట్టింపు అవుతుంది. కానీ.. జిడ్డు చర్మతత్వం ఉన్నవాళ్లు ఆలివ్ ఆయిల్ రాస్తే.. దద్దుర్లు, చర్మం ఎర్రగా మారడం, దురద పెట్టడం వంటి సమస్యలు తలెత్తుతాయి.

అలర్జీ

ఆలివ్ ఆయిల్ అన్నిరకాల చర్మతత్వాలకి సరిపోదు. ఈ నూనె ఏ మాత్రం అలర్జీగా అనిపించినా.. వెంటనే వాడటం మానేయడం మంచిది. లేదంటే.. చర్మంపై రియాక్షన్ చూపిస్తుంది. ఒకవేళ అలాంటి లక్షణాలు కనిపిస్తే.. వెంటనే డాక్టర్ ని సంప్రదించడం మంచిది.

చంటిపిల్లల చర్మానికి ఆలివ్ ఆయిల్ వద్దు

అప్పుడే పుట్టిన చిన్నారుల చర్మతత్వం ఎలా ఉంటుందో తెలియదు. కాబట్టి.. ఆలివ్ నూనె వారి చర్మానికి హాని చేసే అవకాశముంది. కాబట్టి చంటి పిల్లలకు ఈ నూనె రాయడం వల్ల అలర్జీలు వస్తాయి.

పొడిచర్మానికి ఆలివ్ నూనె సరికాదు

పొడిచర్మానికి ఆలివ్ ఆయిల్ మంచిదే అయినప్పటికి కొంతమందిపై అది దుష్ర్పభావం చూపుతుందని.. నిపుణులు చెబుతున్నారు. చర్మంపై ఉండే.. సహజ మాయిశ్చరైజర్ని ఆలివ్ ఆయిల్ తొలగిస్తుంది.

బ్లాక్ హెడ్స్

యువతను ఎక్కువగా వేధించే బ్లాక్ హెడ్స్ కి ఆలివ్ ఆయిల్ కూడా కారణం కావచ్చు. ఆలివ్ నూనె కొంచెం గ్రీజీగా ఉండటం వల్ల చర్మంలోకి ఇంకదు. దీంతో.. దుమ్ము చేరుకుని బ్లాక్ హెడ్స్ రావడానికి కారణమవుతుంది.