సీజనల్ స్కిన్ కేర్ : మాన్ సూన్ స్కిన్ కేర్ టిప్స్

టీ ట్రీ ఆయిల్‌

తేయాకు నూనె, కొబ్బరి నూనెల మిశ్రమం చర్మానికి ఎంతో మేలు చేస్తుంది. ముఖ్యంగా తేయాకు నూనె క్రిమిసంహారిని. చిన్న చిన్న పగుళ్లు, దద్దుర్లు, మొటిమలు వంటి వాటికి చక్కటి ఉపశమనం ఇస్తుంది.

అలొవీర జెల్‌

ఇది అన్నివేళలా చర్మానికి దివ్యౌషధం. వర్షాకాలంలో వచ్చే చర్మ సమస్యలకైతే అద్భుతమైన విరుగుడు. చర్మంలోని రక్తకణాలను కూడా శుభ్రం చేసే శక్తి అలొవీరకు ఉంది. బయటికి వెళ్లినప్పుడు జెల్‌ను రాసుకోవడం ఉత్తమం.

తేనె

సహజసిద్ధమైన సౌందర్యానికి ప్రకృతి సహజమైన తేనెకంటే మంచిది ఇంకేమీలేదు. పొడి చర్మానికి చక్కటి మందు. బ్రౌన్‌షుగర్‌, తేనె, ఆలివ్‌ ఆయిల్‌, నిమ్మరసంలను కలిపి ముఖానికి మాస్క్‌ వేసుకుంటే అద్భుతమైన ఫలితాన్ని ఇస్తుంది.

తాజాపండ్లు

తాజా మామిడి, దానిమ్మ పండ్లు చర్మం మీద మచ్చలు ఏర్పడకుండా కాపాడతాయి. పుచ్చకాయ రసంలోకి మిల్క్‌పౌడర్‌ను కలుపుకుని రాసుకున్నా కూడా చర్మం మీదున్న తాత్కాలిక మచ్చలు తగ్గుతాయి.

యాంటీ ఫంగల్‌ పౌడర్‌

వర్షాకాలంలో అతిపెద్ద సమస్య ఫంగస్‌. శుభ్రత లోపించినా.. లేకపోతే అపరిశుభ్రమైన వాతావరణంలోకి వెళ్లినా.. వెంటనే ఫంగస్‌ దాడి చేస్తుంది. వీటి బారి నుండి తప్పించుకోవాలంటే.. యాంటీ ఫంగల్‌ పౌడర్‌ను అద్దుకుంటే చాలు. ఫంగస్‌ అంత తొందరగా అంటుకోదు.

కాలమైన్‌ లోషన్‌

వర్షాకాలంలో స్నానం చేసిన వెంటనే తడి ఆరిపోదు. సమయాభావం వల్ల ఆఫీసులకు త్వరగా బయలుదేరాల్సి వస్తుంది. శరీరం మీద తడి అలాగే పేరుకోవడం వల్ల దురద కలుగుతుంది. కాలమైన్‌ లోషన్‌ వాడితే దీర్ఘ చర్మ వ్యాధుల నుంచి తప్పించుకోవచ్చు