మగవారి చర్మం నిగారింపు కోల్పోవడానికి కారణాలు

By Nutheti

Published: Tuesday, September 29, 2015, 12:15 [IST]

అందంగా ఉండాలని ఈ ప్రపంచంలో ఎవరికి ఉండదు చెప్పండి. అందుకే అమ్మాయిలే కాదు అబ్బాయిలు కూడా.. గ్లామర్ పై దృష్టిపెడుతున్నారు. కాలానికి తగ్గట్టే అబ్బాయిలకు కూడా.. మార్కెట్ లో బోలెడన్ని సౌందర్య ఉత్పత్తులు అందుబాటులోకి వచ్చాయి. దీంతో క్రీములు, ఫేస్ వాష్ లతో.. ముఖవర్చస్సు పెంచుకునే ప్రయత్నాలు మొదలు పెట్టేశారు యంగ్ గాయ్స్. క్రీములు వాడినా.. చాలా మంది ప్రయోజనం పొందలేకపోతున్నారు. దీంతో.. ముఖం నిర్జీవంగా కనిపిస్తోందని ఫీలవుతున్నారు.

ఒకప్పుడు సౌందర్యంపై మగవాళ్లలో ఆసక్తి ఉండేది కాదు. కానీ.. ఈ మధ్య చాలా మంది.. చర్మ సంరక్షణపై అవగాహన పెంచుకుంటున్నారు. అయితే అబ్బాయిల చర్మంలో నిగారింపు కోల్పోవడానికి వాళ్లు ఫాలో అవుతున్న అలవాట్లే కారణం. తీసుకునే ఆహారం నుంచి అన్నింటిలోనూ అబ్బాయిలు జాగ్రత్త వహించలేకపోవడంతో.. చర్మం నిర్జీవంగా మారుతోంది. మగవాళ్ల చర్మ కాంతి తగ్గడానికి కారణాలేంటో చూద్దాం...

పొగత్రాగటం

చర్మంలో నిగారింపు తగ్గిపోవడానికి పొగత్రాగడం.. ప్రధాన కారణం. రకరకాల క్రీములు వాడినా.. పొగత్రాగే అలవాటు ఉన్న వాళ్ల చర్మం నిర్జీవంగానే కనిపిస్తుంది. అంతేకాదు.. స్మోకింగ్ వల్ల తొందరగా చర్మంపై ముడతలు వస్తాయి.

మద్యం సేవించడం

మద్యం సేవించడం వల్ల చర్మం నిగారింపును కోల్పోతుంది. మందు తాగడం వల్ల నిద్రలో అనేకమార్పులు వస్తాయి. దీంతో మగవాళ్ల ముఖవర్చస్సు తగ్గిపోతుంది.

ఎండలో తిరగడం

ఎండలో బయటకు వెళ్లినప్పుడు చాలా మంది అబ్బాయిలు ఎలాంటి జాగ్రత్తలూ తీసుకోరు. పైగా ఎక్కువ సమయం ఎండలో గడుపుతూ ఉంటారు. దీంతో చర్మంపై సూర్యరశ్మి డైరెక్ట్ గా ప్రభావం చూపడంతో అది నిర్జీవంగా తయారవుతుంది. బయటకు వెళ్లేటప్పుడు.. సూర్యరశ్మి చర్మంపై పడకుండా.. సన్ స్ర్కీన్ లోషన్ వాడటం మంచిది.

లేట్ నైట్స్

వృత్తిరిత్యా చాలా మంది అబ్బాయిలు.. లేట్ నైట్స్ స్పెండ్ చేయాల్సి వస్తుంటుంది. దీంతో నిద్ర తక్కువవుతుంది. శరీరానికి కావాల్సినంత నిద్రలేకపోవడం వల్ల.. చర్మం మరింత డామేజ్ అవుతుంది.