Latest Updates
-
అద్దిరిపోయే రుచితో కీమా చికెన్ సల్నా.. ఒక్కసారి తింటే మళ్ళీ మళ్ళీ కావాలంటారు! -
మిగిలిపోయిన అన్నంతో అద్భుతమైన టమాటా వెల్లుల్లి రైస్..బ్యాచిలర్స్ కు పండగే పండగ -
ముల్లంగి ఆకులతో ఇలా పకోడీ చేసి చూడండి..లొట్టలేసుకుంటూ తింటారు! -
భారతదేశంలో తొలి సూర్యోదయం ఎక్కడ కనిపిస్తుందో తెలుసా? -
ఉల్లి, వెల్లుల్లి లేకుండానే అద్భుతమైన రుచి..హిమాచల్ ప్రదేశ్ స్పెషల్ మటర్ పనీర్ మీ ఇంట్లోనే చేసుకోండిలా.. -
పొట్ట ఉబ్బరం, గ్యాస్ట్రిక్ నొప్పి ఉన్నప్పుడు.. ఇవి తీసుకుంటే చిటికెలో రిలీఫ్ -
రెస్టారెంట్ స్టైల్ చికెన్ వెల్లుల్లి రైస్.. తక్కువ సమయంలోనే అద్భుతమైన రుచి -
టిక్కెట్ లేకుండా ప్రయాణం..చెకింగ్ కి భయపడి డోర్ లాక్..కదులుతున్న రైలు బయట వేలాడిన టీటీఈ! -
20 నిమిషాల్లో చక్కెర, ప్రిజర్వేటివ్స్ లేని పీనట్ బటర్..ప్రోటీన్, పోషకాలతో నిండిన ఆరోగ్యకరమైన అల్పాహారం -
ఐరన్ లోపం, జుట్టు, చర్మ సమస్యలకు మేలు చేసే మునగ సూప్.. ఇంట్లోనే ఈజీగా చేసేయండిలా!
గరం...గరం ఛాయ్ తాగండి.. మీ ఆరోగ్యాన్ని మెరుగుపరుచుకోండి..
సాధారణంగా చాలా మంది నిద్రలేవగానే(బెడ్ కాఫీ లేదా టీ) కాఫీ, టీ త్రాగందే...ఆ రోజు వారికి మొదలకాదు. టీ అంటే అంత పిచ్చ ప్రేమికులు కూడా ఉంటారు. మరికొందరైతే కాలక్షేపానికో, తలనొప్పిగా ఉందనో స్నేహితులకు కంపెనీ ఇవ్వడానికో టీ తాగడం మామూలే. ఎవరూ తోడులేకున్నా ఒంటరిగానే రోజుకు ఐదారు లేదా అంతకుమించి ఎక్కువ కప్పుల టీ తాగేవారున్నారు. ఇన్నిసార్లు తాగకపోయినా రోజుకు రెండు మూడు సార్లు తాగితే ఆరోగ్యానికి మంచిదని వైద్యశాస్త్ర నిపుణులు పేర్కొన్నారు. టీ వల్ల అనేక ఆరోగ్య సమస్యలు తొలగిపోతాయని, అనేక ఉపయోగాలున్నాయని వారంటున్నారు.
ఇతర కార్బొనేటెడ్ పానియాలకంటే టీ ఆరోగ్యకరం. మీకు కావల్సిన రుచులలో , వివిధ రకాల ఫ్లేవర్స్ లో టీ తయారు చేసుకొని త్రాగవచ్చు . ఉదా: హెర్బల్ టీ, లెమన్ టీ, హనీ టీ, ఆరంజ్ టీ, యాపిల్, హనీ టీ, ఐస్డ్ టీ, అల్లం టీ ఇలా అనేక రకాల టీలను తయారుచేసుకోవచ్చు. టీలో పాలు, చక్కెరకు బదులుగా తేనె, నిమ్మకాయ రసం వేసుకుని తాగితే ఆరోగ్యానికి చాలా మంచిది. టీ త్రాగడం వల్ల కలిగే కొన్ని ఉత్తమ ఆరోగ్యప్రయోజనాలేంటో పరిశీలించి చూద్దామా...

శరీరాన్ని ఉత్తేజపరుస్తుంది: ఒక కప్ప టీ త్రాగడం వల్ల మీ శరీరం ఉత్తేజం పరుస్తుంది. ఉత్సాహంగా ఉండేలా చేస్తుంది. అందుకు కారణం ఇందులో ఉండే కెఫిన్. అయితే కెఫిన్ కాఫీలో కంటే టీలో తక్కువ. అయితే కూడా ఇది మన శరీరం మీద సున్నిత ప్రభావాన్ని చూపెడుతుంది.

ఎముకలను బలంగా ఉంచుతుంది: కాఫీ కాకుండా, టీ త్రాగడం వల్ల మీ బోన్స్ స్ట్రాంగ్ గా ఉంటాయి. కాఫీలోని కెఫిన్ మీ ఎముకల్లోని క్యాల్షియం బయటకు పంపించేస్తుంది. దాంతో బోలు ఎముకల వ్యాధికి దారితీస్తుంది. అయితే కొన్ని పరిశోధన ప్రకారం చాలా సంవత్సరాల నుండి రెగ్యులర్ గా టీ త్రాగడం వల్ల వారికి ఎముకలు చాలా బలంగా ఉంటాయని కనుగొనబడింది.

స్ట్రోక్ ప్రమాదాన్ని తగ్గిస్తుంది: టీ త్రాగడం వల్ల స్ట్రోక్ కలిగించే ప్రమాదాన్ని తగ్గించేందుకు సహాయపడుతుంది. టీ త్రాగడం వల్ల శరీరంలోని రక్తనాళాలు సాగే గుణం కలిగి ఉంటుంది మరియు రక్త కణాల్లో క్రొవ్వు కణాలు లేకుండా చేస్తుంది. టీ త్రాగడం వల్ల గుండె మరియు రక్తనాళాల సమస్యల ప్రమాదాలను తగ్గిస్తుంది.

క్యాన్సర్ నిరోధిస్తుంది: టీ, ముఖ్యంగా గ్రీన్ టీ లో యాంటీఆక్సిడెంట్స్ పుష్కలంగా ఉంటాయి. ఈ యాంటీఆక్సిడెంట్స్ క్యాన్సర్ ను నివారిస్తుందని కొన్ని పరిశోధనలు రుజువు చేశాయి.

దంతాలను ఆరోగ్యంగా ఉంచుతుంది: టీ, లోని టానిన్లు మీ దంతాలను ఆరోగ్యంగా ఉంచుతుంది . దంత సమస్యలను నిరోధించుకోవాలంటే..జస్ట్ మీరు త్రాగే టీలో ఎక్కువగా పంచదార కలుపుకోకండి. మీరు తీసుకొనే టీలో ఒక్క స్పూన్ కంటే ఎక్కువ పంచదార లేకుండా చూసుకోవాలి. నోటి దుర్వాసనతో బాధపడేవారు రోజుకు రెండు, మూడుసార్లు హెర్బల్ టీ తాగడంవల్ల ఆ రుగ్మత నుంచి బయటపడగలుగుతారు.

హైడ్రేషన్ : టీ, చాలా మందికి ఇష్టమైన పానీయం . అంతే కాదు టీ రెగ్యులర్ గా తీసుకుంటే శరీరంలో నీరు(తేమ)సమతౌల్యానికి కొనసాగించడానికి సహాయపడుతుంది. మీకు కావల్సిన హైడ్రేషన్ ను అంధిస్తుంది.

క్యాలరీలను జోడించదు: టీ వల్ల శరీరానికి ఎటువంటి క్యాలరీలను అందించదు. మీరు తీసుకొనే టీలో అధికంగా పాలు కానీ, పంచదార కానీ కలుపుకోకూడదు. దాంతో మీ శరీరానికి క్యాలరీలు అందించదు. అదే సమయంలో, మీకు కావల్సిన విటమిన్స్ మరియు మైక్రో ఎలిమెంట్స్ ను అందిస్తుంది.

జీవక్రియలకు బూస్ట్ వంటింది: టీ కూడీ మీ జీవక్రియను పెంచడానికి సహాయపడుతుంది. గ్రీన్ టీతీసుకోవడం వల్ల కేలరీలను(అధిక క్రొవ్వు) కరిగించడానికి సహాపడుతుంది. కాబట్టి మీరు తీసుకొనే గ్రీన్ టీలో తక్కువ పంచదార వేసుకుంటే మంచి ఫలితం ఉంటుంది.

వృద్ధాప్యం నిరోధిస్తుంది: ముందుగా చెప్పుకొన్నట్లు, టీలో యాంటీ ఆక్సిడెంట్స్ పుష్కలంగా ఉంటుంది . ఇది శరీరంలోని ఆక్సీకరణ ప్రక్రియ నియంత్రణ మరియు ప్రారంభ వృద్ధాప్యం నిరోధించడానికి సహాయపడుతుంది.

బరువు తగ్గిస్తుంది: స్థూలకాయులు, బరువు ఎక్కువ ఉన్నవారు పాలు, చక్కెర లేని బ్లాక్ టీ కాని, లెమన్ టీ కాని తాగడం వల్ల బరువు తగ్గుతారు. టీవల్ల శారీరక అందం కూడా ఇనుమడిస్తుంది. చర్మానికి, జుట్టుకుకూడా టీ రక్షణనిస్తుంది.

జీర్ణాశయం : అన్నవాహిక సంబంధ వ్యాధులు, గ్యాస్టిక్ సమస్యలు, అండాశయ వ్యాధులు, చర్మవ్యాధులు, చర్మ క్యాన్సర్ లాంటి రుగ్మతలు టీ వల్ల తగ్గుతాయి. రక్తనాళాల్లో రక్తం గడ్డ కట్టడం, మెదడును చురుకుగా చేయడం లాంటి లక్షణాలుకూడా టీకి ఉన్నాయి.

అలసటను తగ్గిస్తుంది: శారీరకంగా, మానసికంగా అలసిపోయినపుడు దాని ప్రభావం ముఖంపై ఉంటుంది. రెండు, మూడు గ్రీన్ టీ బ్యాగులను అర లీటరు నీటిలో మరిగించి చల్లారిన తర్వాత ఫ్రిజ్లో పెట్టుకుని చల్లటి టీ ద్రవాన్ని ముఖంపై చల్లుకుంటే అలసట తగ్గుతుంది.

అందానికి : మూడు కప్పుల నీటిలో రెండు టీ బ్యాగ్స్ వేసి మరిగించి చల్లారిన తర్వాత సీసాలో పోసి ఫ్రిజ్లో పెట్టాలి. ఆ తర్వాత ఆ ద్రవాన్ని కళ్ళకు, ముఖానికి, మెడకు రాసుకోవాలి. అయిదు పది నిముషాల తర్వాత చల్లని నీటితో ముఖం కడగాలి. ఇలా వారం రోజులు చేస్తే ముఖంపై ఉన్న మడతలు, మచ్చలు పోతాయి.

కేశాలకు : షాంపుతో స్నానం చేశాక టీ డికాక్షన్ను తలకు పట్టిస్తే జుట్టు మెరుస్తూ ఉంటుంది. టీ డికాక్షన్లో వెనిగర్ కలిపి జట్టుకు రాస్తే కండిషనర్లా పనిచేస్తుంది.

విరేచనాలు: విరేచనాలు అయినపుడు వచ్చే నీరసానికి, ఉదరానికి సంబంధించిన బాధలు ఒత్తిడి, ఆందోళన, జలుబు, తలనొప్పులను అల్లం టీ తగ్గిస్తుంది. అంతేకాక ఊపిరి పీల్చుకోవడం కష్టమైనపుడు, నోరు పిడక కట్టుకుపోయినపుడు ఒక స్పూన్ అల్లం ముద్దను ఒక కప్పు నీటిలో మరిగించి తాగితే ఉపశమనం కలుగుతుంది.



Click it and Unblock the Notifications
