దీపావళి సేఫ్ గా జరుపుకోవడానికి తీసుకోవాల్సిన జాగ్రత్తలు

వెంటనే నీళ్లతో క్లీన్ చేయడం

క్రాకర్స్ కాల్చేటప్పుడు చేతులు లేదా ఏ ప్రాంతంలో కాలినా.. వెంటనే నీటిని అప్లై చేయాలి. దీనివల్ల గాయపడిన ప్రాంతంలో టెంపరేచర్ తగ్గించవచ్చు.. కాలిన గాయం నుంచి కాస్త ఉపశమనం పొందవచ్చు. దీనివల్ల నొప్పి, బొబ్బలు తగ్గుతాయి. క్రాకర్స్ కాల్చేటప్పుడు కాలిన వెంటనే చేయాల్సిన మొదటి చికిత్స ఇది. సో మరిచిపోకండి.

పసుపు

కాలిన గాయాలకు పసుపు అమేజింగ్ గా పనిచేస్తుంది. పసుపును పేస్ట్ గా తయారు చేసి.. కాలిన ప్రాంతంలో రాయాలి. శరీర ఉష్ణోగ్రతను తగ్గించి.. వెంటనే ఉపశమనం కలిగిస్తుంది. ఇది యాంటీ సెప్టిక్ గా పనిచేస్తుంది. కాబట్టి ఎలాంటి చిన్న గాయం తగిలినా.. వెంటనే పసుపు ఉపయోగించడం మానకండి.

తేనె

దీపావళి సమయంలో ఇంట్లో తేనె ఉండేలా జాగ్రత్త పడండి. ఎందుకంటే.. కాలిన గాయాలు మాన్పడానికి ఇది మంచి మెడిసిన్. కాలిన గాయాలను తగ్గించడమే కాదు.. ఇన్ఫెక్షన్ లు రాకుండా చేస్తుంది తేనె. గాయాలపై తేనెను రుద్దకుండా.. ఊరికే అప్లై చేయాలి. దీనివల్ల సత్వర ఉపశమనం ఉంటుంది.

వెనిగర్

దీపావళి సమయంలో కాలిన గాయాలకు వెనిగర్ చక్కటి పరిష్కారం. అయితే డైరెక్ట్ గా అప్లై చేయకుండా.. వెనిగర్ లో క్లాత్ ముంచి.. కాలిన ప్రాంతంలో వెనిగర్ లో ముంచిన క్లాత్ ను అద్దితే సరిపోతుంది.

అలోవెరా

కాలిన గాయాల నుంచి ఉపశమనం కలిగించడానికి మంచి హెర్చల్ రెమెడీ అలోవెరా. తీవ్రంగా కాలిన గాయాలను కూడా వెంటనే మాన్పించే పవర్ దీనికుంది. అలోవెరా లోపల ఉండే గుజ్జుని తీసి గాయంపై రాయాలి. ఇది బొబ్బలు పెద్దగా రాకుండా కాపాడుతుంది.

టూత్ పేస్ట్

కాలిన గాయాలకు టూత్ పేస్ట్ గానీ, ఫౌంటేన్ పెన్ ఇంకు కానీ రాయడం వల్ల మంచి ఉపశమనం ఉంటుంది. కాలిన ప్రాంతంలో చల్లగా అనిపించడమే కాదు.. బొబ్బలు కూడా పెరగకుండా పనిచేస్తుంది.

యాంటీ సెప్టిక్ లోషన్స్

దీపావళి వచ్చేసింది కాబట్టి ఇంట్లో యాంటీ సెప్టిక్ లోషన్ ఉందో లేదో ఒకసారి చెక్ చేసుకోండి. లేకపోతే వెంటనే తీసుకురావడం మంచిది. ఏమాత్రం చేతులు కాలినా.. వెంటనే ఈ లోషన్ అప్లై చేయడం వల్ల మంచి ఫలితం ఉంటుంది.

ఈ ప్రథమ చికిత్స చిట్కాలన్నీ మైండ్ లో పెట్టుకోండి. జాగ్రత్తగా దీపావళి సెలబ్రేట్ చేసుకోవడం మంచిది. పిల్లల విషయంలో చాలా అలర్ట్ ఉండాలి. ఈ టిప్స్ మీకు బాగా ఉపయోగపడతాయనుకుంటున్నాం. విష్ యు హ్యాపీ అండ్ సేఫ్ దీవాలి...