జలుబు నుంచి తక్షణ ఉపశమనం కలిగించే హోం రెమిడీస్

తేనె, అల్లం రసం

తేనె, అల్లం రసం రెండింటినీ సమానంగా తీసుకుని.. ప్రతిరోజూ తాగాలి. దీని టేస్ట్ నచ్చకపోతే.. సగం గ్లాసు వెచ్చటి పాలలో మిక్స్ చేసి తీసుకోవాలి. ఇలా చేయడం వల్ల గొంతు, ముక్కు ద్వారాల్లో చాలా రిలీఫ్ గా అనిపిస్తుంది.

పసుపు

పాలలో పసుపు కలిపి కాస్త మరిగించాలి. ఈ మిల్క్ ని ఉదయాన్నే తీసుకోవడం వల్ల జలుబు నుంచి తక్షణ ఉపశమనం పొందవచ్చు.

ఫ్లాక్స్ సీడ్స్, నిమ్మ, తేనె

ఫ్లాక్స్ సీడ్స్ ని నీటిలో ఉడికించాలి. ఆ మిశ్రమం కాస్త మందంగా తయారైన తర్వాత అందులో కొద్దిగా నిమ్మరసం, తేనె కలపాలి. దీన్ని రోజుకి రెండుసార్లు తీసుకుంటే.. జలుబు పరార్ అవుతుంది.

బెల్లం

నీళ్లలో మిరియాలు వేసి ఉడికించాలి. కొన్ని జీలకర్ర కలపాలి. మరికొద్దిసేపు మరిగించాలి. ఇప్పుడు కొద్దిగా బెల్లం మిక్స్ చేయాలి. బెల్లం కరిగిన తర్వాత చల్లార్చి తాగాలి. అంతే జలుబుతో పాటు.. చెస్ట్ లో వచ్చే ఇన్ఫెక్షన్స్ కూడా తగ్గిపోతాయి.

మసాలా టీ

జలుబు నుంచి తక్షణ ఉపశమనం కలిగించడంలో మసాలా ఛాయ్ అద్భుతం చేస్తుంది. కొద్దిగా టీ పౌడర్ ని ఉడికించి, లవంగాలు, యాలకులు, అల్లం, మిరియాల పొడి కలపాలి. బాగా ఉడికిన తర్వాత పాలు కలపకుండా.. తీసుకోవాలి. అవసరమైతే తేనె కలిపి తీసుకుంటే.. జలుబు వెంటనే తగ్గిపోతుంది.