అతిథులను ఆహ్లాదరపరిచే ముఖద్వారాలు...!

Published: Saturday, August 18, 2012, 15:37 [IST]

Simple Ideas To Decorate Your Entrance..

ఒక ఇంటిని ఆకర్షణీయంగా, చూపరులను కట్టిపడేసేలా చేయడం బాహ్యా లంకరణ (ఎక్స్‌టీరియల్‌ డెకరేషన్‌) తోనే సాధ్యపడుతుంది. ఎలాంటి నిర్మాణా నికైనా అందమైన రూపాన్ని తీసుకురావడంలో ప్రముఖ పాత్ర పోషిస్తుంది. సాధారణంగా గృహానికి అందం ఇచ్చేది ప్రధాన ముఖద్వారం. అలాగే.. ఇంటి లోపలి భాగంలో ఉండే ద్వారాలు కూడా.. అతిధులను ఇట్టే ఆకట్టుకునేలా ఉండాలి. ప్రధాన ముఖద్వారానికి ఇచ్చే ప్రాధాన్యత ఒక్కోసారి లోపలి ద్వారాలకు ఇవ్వడం జరగదు. ఇంటి అలంకరణలో ముఖ ద్వారాలతో పాటు, కిటికీలు, ఇంటి గోడలకు వేసే రంగులతోపాటు ఇంటికి అమర్చే విద్యుత్‌ దీపాలు కూడా ముఖ్యమైనవే. వీటి విషయంలో ప్రత్యేక శ్రద్ధ తీసుకున్న పక్షంలో ఆ ఇల్లు అందరిని ఆకట్టుకోవడం ఖాయం.

అయితే.. గృహం వెలుపల నుండే కాకుండా.. ఇంటి లోపల కూడా కొన్ని రకాల అడ్డంకులు లేకుండా జాగ్రత్త వహించాలి. ప్రధానగా.. ఇంటికి వచ్చే అతిథులు, చూపరులు గృహం లోపలకి ప్రవేశించగానే చూపరులకు ఆహ్లాదకరంగా ఉండాలి. లోపల ఉన్న వాతావరణం అతిథులనూ ఆకర్షించే విధంగా తయారు చేసుకోవాలి. ఇందుకోసం కొన్ని జాగ్రత్తలు పాటిస్తే సరిపోతుంది.

ఇందులో భాగంగా.. ప్రధాన ద్వారం ఎదురుగా చీకటి గృహం లేకుండా చూసుకోండి. కొన్ని ఇళ్లలో ప్రధాన ద్వారం తెరువగానే.. ఇంటి మెట్లు లేదా టాయ్‌లెట్‌ లు దర్శనమిస్తాయి. గత్యంతరం లేని పరిస్థితుల్లో వాస్తు ప్రకారం వీటిని అమర్చుకోవాలి. మొత్తానికి టాయ్‌లెట్‌లు, మెట్లు ప్రధాన ద్వారానికి నేరుగా ఉండకుండా చూసుకోవాలి. అలాగే ప్రధాన ద్వారానికి వెలుతురు తగినంత ఉండేలా చర్య తీసుకోవాలి.

అలాగే.. ఇంటిలోపల ప్రధానద్వారానికి అతిదగ్గరగా లేదా ఎదురుగా గాని మరో గోడ లేకుండా చేసుకోవడం మంచిది. ఇది ఇంటిలో నివసించే వ్యక్తుల ఆరోగ్యంపై ప్రభావం చూపుతుంది. ఒకవేళ మీరు పై విధంగా పేర్కొన్న సమస్యలతో ఇంటిని నిర్మించుకున్నట్టయితే.. కొన్ని సలహాలు పాటిస్తే సరిపోతుంది. ముఖ్యంగా.. మెట్లున్నా, టాయ్‌లెట్లు ఉన్నా వాటిని ఏమాత్రం పట్టించుకోకుండా.. ఆ ప్రాంతాన్ని వెలుతురుతో నింపాలి. అలాగే ప్రధాన ద్వారానికి ఎదురుగా పెద్దసైజు అద్దం బిగించడం మంచిదని ఫెంగ్‌షుయ్ నిపుణులు చెపుతున్నారు. దీనివల్ల కొన్ని సమస్యలు దరిచేరవని వాస్తు శాస్త్రం చెబుతోంది.

ఇంటి వెలుపల ఏవిధంగా తీర్చిదిద్దామో.. లోపలా అదే స్థాయిలో అలంకరించుకోవాలి. బయటి గోడల కంటే ఇంటి లోపలి గోడలపై వాతావరణ మార్పులు అంతగా ప్రభావం చూపలేవు కనుక అంతర్గతంగా గోడలకు వేసే రంగులు వేర్వేరుగా మార్కెట్లో లభ్యమవుతాయి. వీటిలో మనసుకు ఆనందాన్ని కలిగించే రంగులను ఎంచుకోవాలి. అలాగే ఇంట్లోని కిటికీ లకు పరదాలు, గోడలకు పెయింటింగ్‌ల తోపాటు కుటుంబ సభ్యులకు మధుర స్మృ తులను అందించే అల నాటి జ్ఞాపకాలు ఏవై నా ఉంటే అమర్చు కోవడం ఇంట్లో ప్రశాంత వాతావరణాన్ని ఏర్పరి చినట్లవుతుంది.