సృష్టికే ప్రతి సృష్టి... బోన్ సాయి గార్డెన్!

Gardening

oi-Nageswara

By B N Sharma

Published: Saturday, December 10, 2011, 15:03 [IST]

ఇంటి గార్డెన్ కొత్త తీరులో ఏర్పరచుకొనాలనుకొనే వారికి బోన్ సాయి గార్డెన్ బాగుంటుంది. దీనినే అందరూ లావా స్టోన్ బోన్ సాయి అయి కూడా పిలుస్తారు. ప్రత్యేకమైన ఈ గార్డెన్ ప్రకృతిని అన్ని రకాల వివరాలతో కూడి ఒక చిన్నపాటి చిత్రంలా చూపించేస్తుంది. పెద్ద వృక్షాలు సైతం అతి చిన్నవిగా ఏర్పాటు చేస్తారు. బోన్ సాయి గార్డెన్ చూచే వారికి అది ఒక అద్భుతంలా కనపడుతుంది. ఎంత పెద్ద చెట్లు అయినప్పటికి వాటిని చిన్నవిగా చూపటం, ఆకులు, కొమ్మలు, అన్ని వాటిలో వివరంగా వుండటం మానవుని మేధస్సుకు ఒక ఆలోచన రేకిత్తించేదే. సాధారణంగా నగరాలలో ఇండ్లు ఇరుకుగా వుండటం, ఇంటికి చుట్టు పక్కల గార్డెన్ పెంచేటంత స్ధలం లేకపోవటం మొదలైన సమస్యలు బాధిస్తాయి. కాని కొద్దిపాటి వ్యయం, శ్రమలతో కూడుకున్నప్పటికి బోన్ సాయి గార్డెన్ తయారు చేస్తే నిజమైన గార్డెన్ మనింట్లోనే వుందా అన్న అనుభూతి కలుగుతుంది.

ఈ రకమైన బోన్ సాయి గార్డెన్, ఇంటి టెర్రస్ పై ఏర్పాటు చేసుకుంటే చాలా బాగుంటుంది. కొన్ని బోన్ సాయి పద్ధతులలో మంచి ఆకారాలు కల రాళ్ళను కూడా వుంచుతారు. ఈ ఆలోచనతోనే రాళ్ళతో మొక్కల కుండీలు కూడా ఆధునికంగా తయారు చేస్తున్నారు. సిమెంట్, బంక జిగురు మొదలైనవాటితో సహజమైన రీతిగా వుండేలా ఈ కుండీలు తయారీకి సిద్ధం అవుతున్నాయి.

బోన్ సాయి మొక్కలకు కనీసం రోజుకు ఆరు గంటలు సూర్య రశ్మి కావాలి. మూడు నెలలకొకసారి మొక్కలను ట్రిమ్మింగ్ చేయాలి. అదే విధంగా మూడు నెలల కొకసారి వీటికి ఆర్గానిక్ ఎరువులు వేయాలి. ఈ చిట్కాలతో అందమైన బోన్ సాయి గార్డెన్ మీ ఇంటి టెర్రస్ పై పెంచుకోవచ్చు.