భారత దేశంలో ప్రసిద్ది చెందిన 7 శ్రీకృష్ణ దేవాలయాలు...

ఇస్కాన్ దేవాలయం: ప్రపంచ వ్యాప్తంగా ఇస్కాన్ దేవాలయం. ప్రపంచ మొత్తంగా ఇస్కాన్ దేవాలయాలు ఉన్నాయి. ఈ దేవాలయాలు అందంగా అలంకరించి, చక్కగా నిర్వహించబడుతున్నాయి. ఈ దేవాలయాలకు అన్ని వర్గాల ప్రజులు, వివిధ కుల మరియు మతం కలిగిన భక్తులు నిత్యం సందర్శిస్తుంటారు. ఇస్కాన్ దేవాలయాలు డిల్లీ, బృందావన్, బెంగుళూర్, కోలకతా, అస్సాం లో ఉన్నాయి.

ద్వారకాదీశ ఆలయం: దీనిని 1814లో గ్వాలియర్‌కి చెందిన గోకుల్‌దాస్‌ అనే ఆయన నిర్మించాడని అంటారు. గుజరాత్ పశ్చిమ తీరంలో ఉన్న ద్వారక పవిత్ర పుణ్యస్థలంగా భావించబడుతుంది. ఈ ఆలయ మండపంలో మూడు పెద్ద ఊయలలు ఏర్పాటుచేసారు. అందులో మధ్యలో ఉన్నది పూర్తి బంగారు ఊయల, రెండు వైపులా ఉన్నవి వెండి ఊయలలు. ఉత్సవాలు జరిపే సమయంలో ఇక్కడ శ్రీకృష్ణునికి శయ్యా వేడుకలు జరుపుతారు. రుక్మిణి(లక్ష్మి అవతారం అని నమ్మేవారు)దేవాలయంను కూడా సందర్శించడం మరవకండి.

బృందావన్ ఆలయం: ఈ ప్రదేశంలో శ్రీకృష్ణు బాల్యం గడిచిందని నమ్ముతారు. ఈ ప్రదేశాన్ని కింగ్ అక్బర్ సందర్శించిన తర్వాత అతను మరో నాలుగు శ్రీకృష్ణుని దేవాలయాలు(మధనమోహన, గోవింద, గోపినాథ మరియు జుగల్ కిషోర్) నిర్మించడానికి ఆదేశించాడు. అక్కడికి దగ్గరలోనే మధుర, చాల ప్రసిద్ది చెందిన దేవాలయం. ఇంకా మరికొన్ని ఆలయాలు బ్యాంకే విహారీ ఆలయం, కృష్ణ బలరాం మందిరం, ఇస్కాన్ దేవాలయం, గోవింద రాజ ఆలయం, మదన మోహన ఆలయం చాలా ప్రసిద్ది

జుగల్ కిషోర్ ఆలయం: మధుర నగరం( (కృష్ణుడు జన్మస్థలం) లో జుగల్ కిషోర్ ఆలయం కలదు. ఈ శాంతియుత పవిత్ర పుణ్యస్థలాన్ని సందర్శించి ఉపశమనం పొందవచ్చు. జుగల్ కిషోర్ ఆలయము మథుర లో కృష్ణుడు అత్యంత ప్రాచుర్యం పొందినది మరియు ఇది పురాతన ఆలయాలల్లో ఒకటి. శ్రీ కృష్ణుడు దేవాలయాన్ని కేసి ఘాట్ దేవాలయం ( శ్రీ కృష్ణుడు నరకాశురున్ని సంహరించిన ప్రదేశం)అంటారు. నరకాశురున్ని సంహరించిన తర్వాత ఘాట్ అటువైపు వున్న నదిలో స్నానం ఆచరించాడని ప్రసిద్ది. ప్రతి రోజూ సాయంత్రంలో ఇక్కడ యమునా దేవికి ఒక హారతిని అందించబడుతుంది.

జగన్నాథ ఆలయం: దేశంలోని ప్రసిద్ధిగాంచిన ఆలయాల్లో అహ్మదాబాద్‌లోని జగన్నాథ ఆలయం ఒకటి. ఇది పేరు ప్రఖ్యాతలకే కాకుండా.. సంపన్నతకు, అలంకారానికి, ఆధునికతకు ప్రత్యేక స్థానం ఉంది. అహ్మదాబాద్‌ నగరంలోని జమల్‌పూర్ అనే ప్రాంతంలో వెలసి వున్న ఈ ఆలయం ఈ నగరానికి ప్రత్యేక ఆకర్షణగా నిలుస్తోంది. కృష్ణుడు మరియు విష్ణువు యొక్క భక్తులు తరచుగా జగన్నాథుని యొక్క దీవెనలు పొందాలనుకుంటే ఈ పవిత్ర పుణ్య క్షేత్రాన్ని సందర్శించండి.

గురువాయూర్: తెలుగువారికి తిరుపతి ఎంతటి పవిత్ర పుణ్యక్షేత్రమో... కేరళీయులకు శబరిమల, గురువాయూర్‌లు అంతటి పవిత్ర పుణ్యక్షేత్రాలు. అయ్యప్ప కొలువైన శబరిగిరి సంవత్సరాని ఒక్కసారి మాత్రమే రద్దీగా ఉంటుంది. కానీ చిన్ని కృష్ణుడు కొలువైన గురువాయూర్‌లో సంవత్సరం మొత్తం భక్తులతో కిటకిటలాడుతుంది. ఈ దేవాలయానికి దక్షిణ ద్వారకా అని కూడా పేరు ప్రసిద్ది. ఈ దేవాలయంలో ఏనుగుతు కూడా ఉన్నాయి. ఇంకా పెళ్ళిళ్లకు ఈ దేవాలయం చాలా ప్రసిద్ది.

ఉడిపి కృష్ణ మందిరం: విశ్వవిక్యత కృష్ణుని మందిరం దక్షిణ కర్ణాటకలోని ఉడిపి జిల్లాలలో ఉంది.

శ్రీకృష్ణుడు అత్యంత ప్రాచుర్యం పొందిన ఈ దేవాలయాలను సందర్శించి, ఆయను అనుగ్రహం పొందండి...