వారి పిల్లలకు పెళ్లి ఫిక్స్ చేశారు.. వరసలు మారతాయనే భయంతో.. లేటు వయసులోనే లేచిపోయారు...!

పిల్లల పెళ్లికి ముందే...

గుజరాత్ లోని సూరత్ లో తమ పిల్లల పెళ్లికి ముందే పెళ్లి కుమారుడి తండ్రి, పెళ్లికూతురు తల్లి ఇద్దరు చిన్ననాటి నుండే ప్రేమలో ఉన్నారట.

కొన్ని కారణాల వల్ల..

వారు గాఢమైన ప్రేమలో ఉన్న సమయంలో అనుకోని కారణాల వల్ల విడిపోవాల్సి వచ్చిందట. అయితే తమ పిల్లల పెళ్లి వల్ల తాము మళ్లీ ఒక్కటవుతున్నామని భావించారట.

ప్రేమ పావురాల్లా..

అంతే ఒక్క క్షణం కూడా ఆలోచించకుండా.. ఎవ్వరు ఏమనుకున్నా.. ఈ సమాజంతో మనకు పని లేదు అనుకొని తమ ప్రేమ ప్రపంచంలోని విహరించడానికి ప్రేమ పావురాల్లాగా ఎగిరిపోయారంట.

ఇద్దరికీ 40+

అయితే పెళ్లకొడుకు తండ్రి వయసు 48 ఏళ్లు కాగా.. పెళ్లి కూతురు తల్లి వయసు 40 ఏళ్లు. వీరిద్దరూ సెకండ్ ఇన్సింగ్స్ ప్రారంభించడానికి పది రోజుల ముందు మళ్లీ ప్రేమాయణం మొదలెట్టారట. అయితే ఇప్పటికీ వీరిద్దరి జాడ తెలియకపోవడం గమనార్హం.

పెటాకులైన పిల్లల పెళ్లి...

మరి కొద్ది రోజుల్లో ఒక్కటవ్వాల్సిన జంటకు పెద్ద ఆటంకమే వచ్చి పడింద. వారిద్దరూ ఎవ్వరు చేయకూడని పని చేయడంతో పిల్లల పెళ్లి పెటాకులైపోయింది.

ఎవ్వరికీ చెప్పకుండా...

వీరి కుటుంబాలకు ఇంతకుముందే మంచి పరిచయం ఉండటంతో సంవత్సరం క్రితమే వారి పిల్లలకు పెళ్లిళ్లను నిర్ణయించారు. పిల్లలు పెళ్లి చేసుకుంటే తమ వరసలు ఎక్కడ మారతాయనే భయంతో వారిద్దరూ ఎవ్వరికీ చెప్పకుండా పారిపోయారు.

ఆలస్యంగా తెలిసింది..

వారిద్దరూ కలిసి లేచిపోయారన్న సంఘటన ఈ రెండు కుటుంబాల వారికి చాలా ఆలస్యంగానే తెలిసింది. ఎందుకంటే పెళ్లి పనులు మొదలెట్టిన నాటి నుండే వారిద్దరూ కనబడకుండా పోయారు.

సోషల్ మీడియాలో వైరల్..

ఈ విషయం తెలుసుకున్న రెండు కుటుంబాలు ఇప్పటికీ ఆ షాక్ నుంచి తేరుకోలేకపోతున్నాయట. ఇక పెళ్లికొడుకు, పెళ్లికూతురు పరిస్థితి అయితే వర్ణనాతీతంగా ఉంది. ఇదే విషయాన్ని ఎవరో సోషల్ మీడియాలో పోస్ట్ చేయడంతో విపరీతంగా వైరల్ అవుతుండటం విశేషం.