పిల్లల స్నానాలు - పెద్దల పాట్లు?

పిల్లలు వారంతటవారే స్నానం చేసి సంతోషంగా బయటకు రావాలంటే, మీ పిల్లల బాత్ రూమ్ ఆకర్షణీయంగా రంగుల బొమ్మలు, టబ్ మొదలైనవాటితో అలంకరించాలి. అందుకనువైన సరంజామా అంతా బాత్ రూమ్ లో వుంచాలి. అపుడు ఏడ్వకుండా వారంతట వారే స్నానాల గదిలోకి వచ్చి తయారై బయటకు వస్తారు. బాత్ రూమ్ ప్రవేశ భాగంలోనే వారి కవసరమైన టవల్, చర్మ సంరక్షణా క్రీములు, పౌడర్లు, దువ్వెన వంటివి ఒక షెల్ఫ్ లో వుంచాలి. వాటిని ఉపయోగించే విధానాలు సైతం పిల్లలకు నేర్పించాలి. దీనితో పెద్దలకు విలువైన ఉదయంపూట సమయం కలిసివస్తుంది.

పిల్లల స్నానాల గదిలో బాత్ మేట్స్ తప్పనిసరిగా వుండాలి. మేట్ కాకపోయినా వారి ఎత్తుకు తగిన స్టూలు వంటివి వేస్తే కూడా బాగానే వుంటుంది. పిల్లల బాత్ రూమ్ మరింత ఆకర్షణీయంగా వుండాలంటే, వారి కిష్టమైన మికీ మౌస్ వంటి కార్టూన్ స్టిక్కర్లు గోడల టైల్స్ గా వేయించండి లేదా స్టిక్కర్లు అంటించండి. ఆకర్షణీయంగా వున్న బాత్ రూమ్ లోకి పిల్లలు వారంతటవారే చొరబడి మీ సమస్య పరిష్కరించడమే కాక సరైన సమయానికి రెడీ అయిపోతారు.