బరువు తక్కువగా పుట్టే పిల్లలకు కారణాలు... తీసుకోవల్సిన జాగ్రత్తలు

Updated: Tuesday, August 7, 2012, 18:05 [IST]

The main causes for Low Birth Weight:...

కొంతమంది మహిళలకు పుట్టే పిల్లలు అతి తక్కువ బరువుతో పుడుతుంటారు. పుట్టే పిల్లలు కనీసం 2.5-3.0కేజి బరువు ఉండాలి. అంతకంటే తక్కువ బరువుతో పుట్టే బిడ్డలను బరువు తక్కువ పిల్లలు అంటుంటారు. అందుకు చాలా కారణాలే ఉన్నాయి. వాటిని కనుక జయించనట్లైతే పుట్టే పిల్లలు సంపూర్ణ ఆరోగ్యంతో పుట్టే బిడ్డ బరువు ఎంత ఉండాలో అంతే బరువుతో పుడుతారు. అయితే అతి తక్కువ బరువుతో ఎందుకు పుడుతారు అందుకు కారణాలేంటో, తీసుకోవల్సిన జాగ్రత్తలేంటో చూద్దాం...

1. ముఖ్యంగా బాల్యంలోనే పెళ్ళి చేసుకోవడం వల్ల వచ్చే గర్భాధారణ.
2. గర్భిణీలో రక్తహీనత - ఆహార లోపం.
3. నెలలు నిండక ముందే కాన్పు కావడం.
4. గర్భానికి - గర్భానికి మధ్య దూరం పాటించకపోవడం.
5. గర్భాధారణ సమయంలో స్త్రీలు వ్యాధులకు గురికావడం.
6. ఎక్కువ సార్లు గర్భం ధరించడం.
7. వీటినంటికి కారణం పేదరికం, నిరక్షరాస్యత, అమాయకత్వం, మూఢనమ్మకాలు.

పిల్లలు తక్కువ బరువుతో పుట్టకుండా సంపూర్ణ ఆరోగ్యం, బరువుతో పుట్టడానికి తీసుకోవలసిన జాగ్రత్తలు...

1. పిల్లలు కరెక్ట్ బరువుతో పుట్టాలంటే 20-30 సంవత్సరాల వయస్సులోపలే గర్భధారణకు అనువైన సమయం. వీలున్నంత వరకు ఆ వయసులోనే గర్భధారణ జరిగేలా చూసుకోవడం మంచిది.
2. గర్భధారణకు-గర్భాధారణకు మధ్య గ్యాప్ ఇవ్వడం చాలా మంచిది. అందుకు కుటుంబ నియంత్రణ తాత్కాలిక చర్యలు పాటించాలి.
3. మహిళలు, గర్భిణీలు స్త్రీలు తగినంత ఆహారం తినాలి. రక్తహీనత నుండి రక్షణ పొందాలి. అయోడిన్ కలిపిన ఉప్పు వాడటం మంచిది.
4. గర్భధారణ సమయంలో క్రమం తప్పకుండా వైద్యపరీక్షలు చేయించుకోవడం మంచిది.
5. గర్భవతి మహిళ తాను గర్భం పొందినప్పటినుండి తన బరువును నియంత్రించుకుంటూ వుండాలి. గర్భం ధరించిన నాటినుండి, ఆమె కడుపులోని బిడ్డకు కూడా అవసరమైన ఆహారాలను తీసుకుంటూండాటి. ఆమె తీసుకునే ఆహారమే, కడుపులోని బిడ్డకు కూడా పోషకాహారంగా మారి పిండం బరువెక్కుతూంటుంది. పిండం అధిక బరువు సంతరించుకుంటే, మహిళకు కాన్పు జరగటం కష్టంగా కూడా వుంటుంది. అందుకని ఆమె ఎప్పటికపుడు తగిన బరువును సంతరించుకుంటూ పోషకాహారాలను తీసుకోవాలి.

Comments

Latest Updates

The main causes for Low Birth Weight:... | బరువు తక్కువగా పుట్టే పిల్లలకు కారణాలేంటి...