ఐరన్, ప్రోటీన్ల గని..అందాన్ని, ఆరోగ్యాన్ని రెట్టింపు చేసే అలివ్ లడ్డూ'..ఎలా చేసుకోవాలంటే..

Recipes

oi-Venkaiah Naidu

Posted By: Venkaiah Naidu

Published: Monday, May 11, 2026, 11:07 [IST]

మన భారతీయ వంటగదిలోనే ఎన్నో అద్భుతమైన ఆరోగ్య రహస్యాలు దాగి ఉన్నాయన్న సంగతి మనలో చాలామందికి తెలియదు. అలాంటి ఒక అద్భుతమైన, ఎవరికీ పెద్దగా తెలియని రహస్యమే అలివ్ గింజలు. వీటిని హలీమ్ గింజలు అని కూడా పిలుస్తారు. ఐరన్, విటమిన్లు, ప్రోటీన్ల కలయిక అయిన ఈ గింజలు మన ఆరోగ్యానికి చేసే మేలు అంతా ఇంతా కాదు. జుట్టు రాలడం ఆగిపోయి, చర్మం ఎంతో కాంతివంతంగా, మృదువుగా మారే అవకావాలు ఉంటాయి. ఈ లడ్డూలను ఇంట్లోనే చాలా సులభంగా, బేసిక్ పదార్థాలతో తయారు చేసుకోవచ్చు.

అలివ్ లడ్డూ తయారీకి కావాల్సిన పదార్థాలు

అలివ్ గింజలు - ముప్పావు కప్పు
కొబ్బరి నీళ్లు - 1 కప్పు
నెయ్యి - పావు కప్పు
బెల్లం తురుము -ఒకటిన్నర కప్పులు
సన్నగా తరిగిన బాదం- 1/3 కప్పు
ఎండు కొబ్బరి తురుము -అర కప్పు
యాలకుల పొడి - 1 టీస్పూన్

View this post on Instagram

A post shared by Aruna Vijay (@aruna_vijay_masterchef)

అలివ్ లడ్డూ తయారీ విధానం

-ముందుగా ఒక గిన్నెలో అలివ్ గింజలను తీసుకుని, అందులో కొబ్బరి నీళ్లు పోసి బాగా కలపాలి. వీటిని కనీసం అరగంట పాటు అలాగే నానబెట్టుకోవాలి. గింజలు నీటిని పీల్చుకుని ఉబ్బుతాయి.

-ఇప్పుడు స్టవ్ మీద ఒక మందపాటి పాన్ పెట్టి, అందులో నెయ్యి వేడి చేయాలి. నెయ్యి కరిగాక బెల్లం తురుము వేసి, చిన్న మంట మీద బెల్లం పూర్తిగా కరిగే వరకు గరిటెతో తిప్పుతూ ఉండాలి.

-బెల్లం కరిగిన తర్వాత, ముందుగా కొబ్బరి నీళ్లలో నానబెట్టుకున్న అలివ్ గింజలను అందులో వేసి అన్నీ కలిసేలా బాగా కలుపుకోవాలి.
చివరగా సన్నగా తరిగిన బాదం పప్పులు, ఎండు కొబ్బరి తురుము, మంచి సువాసన కోసం యాలకుల పొడి వేసి కలుపుకోవాలి. ఈ మిశ్రమం అంతా దగ్గరపడి, పాన్ అంచుల నుండి విడిపోతున్నప్పుడు (ముద్దలా మారుతున్నప్పుడు) స్టవ్ ఆఫ్ చేయాలి.

-ఇప్పుడు ఆ మిశ్రమాన్ని ఒక ప్లేట్‌ లోకి తీసుకోవాలి. మిశ్రమం వేడిగా ఉన్నప్పుడే లడ్డూలు చుట్టుకోవాలి. చల్లారితే గట్టిపడిపోతాయి.
రెండు చేతుల అరచేతులకు కొద్దిగా నెయ్యి రాసుకుని, గుండ్రంగా లడ్డూలు చుట్టుకోండి.

-అంతే ఎంతో రుచికరమైన, ఆరోగ్యాన్నిచ్చే అలివ్ లడ్డూలు రెడీ. రోజుకో లడ్డూ తినడం అలవాటు చేసుకోండి. మీ జుట్టు, చర్మ సౌందర్యం మెరుగుపడటమే కాకుండా మీలో రక్తహీనత తగ్గి రోగనిరోధక శక్తి పెరుగుతుంది.