ఆలూ ఛాట్ తయారీ విధానం ; ఘాటైన ఆలూ ఛాట్ ఎలా తయారుచెయ్యాలి

ఆలూ ఛాట్ చాలా ప్రసిద్ధమైన సాయంకాలపు తినుబండారం. ఢిల్లీ వీధుల్లో పుట్టిన ఈ పదార్థం, ఇప్పుడు అందరికీ ప్రియమైనది, చిరపరిచితమైనది. పేరు వింటేనే నోరూరుతోంది కదూ? ఇంకా, బంగాళాదుంపలు వాడకం వల్ల రుచి రెట్టింపవుతుంది.
ఈ రుచికర తినుబండారం తయారుచెయ్యడం నేర్చుకోవాలనుకుంటే, వీడియో, ఫోటోలతో కూడిన ఈ వ్యాసాన్ని మొత్తం చదవండి.
ఈ దిల్లీ ఆలూ ఛాట్ తయారీ చాలా త్వరగా అయిపోయి, ఆకలి కూడా తీరుస్తుంది. ఇందులోని కరకరలాడే పదార్థాలు, వేగినా మెత్తగా ఉండే బంగాళదుంపలు, అలల్లాగా తగులుతూపోయే ఘాటు దినుసులు మన నాలుకకి ఇంకా ఇంకా కావాలనిపించేట్లా చేస్తాయి. కంటికి, కడుపుకి విందైన ఈ ఆలూ ఛాట్ తయారీ ఇక నేర్చుకోండి.

ఆలూ ఛాట్ రిసిపి వీడియో

ఎలా తయారుచెయ్యాలి

1.బాణాలిలో నూనె వేసి మరగనివ్వండి, బంగాళాదుంపల ముక్కలను వేయించండి.

2.బంగారు రంగులోకి వచ్చాక, వాటిని తీసేయండి.

3.ఉప్పు,కారం వేయండి

4.తర్వాత, ఎండిన మామిడిపొడి (ఆమ్ చూర్), వేయించిన జీలకర్ర పొడి, ఛాట్ మసాలా వేయండి.

5.నిమ్మరసం కూడా వేసి బాగా మిశ్రమాన్ని కలపండి.

6.చింత,కొత్తిమీర-పుదీనా చట్నీలను కూడా వేసి బాగా కలపండి.

7.కారప్పూస, కొత్తిమీర, దానిమ్మ గింజలను పైన చల్లండి

8.కొంచెం చట్నీలను మళ్ళీ పైన వేస్తే రంగురంగుల్లో అందంగా మీ ఛాట్ రెడీ.