బెండకాయ ఎప్పుడు వండినా జిగురుగా ఉంటుందా.?..ఈ పద్ధతిలో ట్రై చేస్తే అస్సలు వదిలిపెట్టరు.!

పిల్లల్లో బ్రెయిన్‌ షార్ప్‌నెస్‌ కోసం బెండకాయలను తల్లి ఇష్టంగా వండిపెడుతుంది. కానీ బెండకాయను ఎన్ని రకాలుగా వండినా చాలా సార్లు జిగురుగానే ఉంటుంది. దీంతో పిల్లలు తినడానికి మారాం చేయడమే కాదు. ఒక్కోసారి పెద్దలు కూడా అయిష్టంగానే తింటారు. కానీ ఈ పద్ధతిలో ట్రై చేశారంటే ఇక జిగురు అనే మాటే లేకుండా.. నోటికి కమ్మగా ఉంటుంది.

బెండకాయలో విటమిన్లు సి, కె, ఫోలేట్, యాంటీఆక్సిడెంట్లు, ఫైబర్‌ పుష్కలంగా ఉండటంతో బరువు తగ్గడానికి దోహదపడుతుంది. డయాబెటిస్‌ను అదుపులో ఉంచుతుంది. గుండె ఆరోగ్యాన్ని కాపాడటంతో పాటు జీర్ణక్రియకు మెరుగుపడుతుంది. గ్యాస్‌, అజీర్తి సమస్యల నుంచి ఉపశమనం కలిగిస్తుంది. మలబద్ధకం సమస్యను నివారిస్తుంది.

రాత్రి పూట స్వీట్ తినాలనిపిస్తుందా? ఓవెన్ అక్కర్లేకుండానే ఇంట్లోనే బేకరీ స్టైల్ బనానా బ్రెడ్ చేసుకోండిలా..

బెండకాయలోని పెక్టిన్‌ అనే ఫైబర్‌ రక్తంలోని చెడు కొలెస్ట్రాల్‌ను తగ్గించి రక్తపోటును అదుపులో ఉంచుతుంది. గర్భిణీలకు, శిశువు మెదడు, వెన్నెముక అభివృద్ధికి దోహదపడుతుంది. చర్మాన్ని కాంతివంతంగా ఉంచి మొటిమలను తగ్గిస్తుంది. బెండకాయలను కడిగి కట్‌ చేసి రాత్రంతా నీళ్లలో నానబెట్టి ఉదయాన్నే పరగడుపు తాగడం ద్వారా ముఖం ప్రకాశవంతంగా ఉంటుంది.

బెండకాయ పచ్చిమిర్చి పులుసు తయారీకి కావాల్సిన పదార్థాలు

బెండకాయలు- పావు కేజీ
పెరుగు- 200గ్రా
పచ్చిమిర్చి- 10 లేదా 12(మీరు తినే కారానికి సరిపడా)
ఉల్లిపాయ- ఒకటి
అల్లం- చిన్న ముక్క
వెల్లుల్లి- 6 రెబ్బలు
నూనె- 3 టేబుల్‌ స్పూన్లు
జీలకర్ర- టీస్పూన్‌
ఆవాలు- టీస్పూన్‌
ధనియాల పొడి- టీస్పూన్‌
గరం మసాలా- అర టీస్పూన్‌
కొత్తిమీర- కొద్దిగా

బెండకాయ పచ్చిమిర్చి పులుసు తయారీ విధానం

ముందుగా బెండకాయలను శుభ్రంగా కడిగి తడి లేకుండా ఆరబెట్టుకోవాలి. తర్వాత వాటిని మరీ చిన్నగా కాకుండా మరీ పెద్దగా కాకుండా మీడియం సైజు ముక్కలుగా కట్‌ చేసుకోవాలి.

పిల్లలు, వృద్ధుల ఎముకల బలానికి రాగి, మునగాకు రోటి.. రోజూ ఒక్కటి తింటే చాలు.!

ఇప్పుడు మిక్సీలో పచ్చిమిర్చి, అల్లం, వెల్లుల్లి వేసి పేస్ట్‌లా చేసుకోవాలి. తర్వాత స్టవ్‌పైన పాన్‌ పెట్టి నూనె పోసి వేడయ్యాక బెండకాయ ముక్కలను వేసి వేయించాలి. మధ్యమధ్యలో కలుపుతూ ఉండాలి. కాసపయ్యాక కొద్దిగా ఉప్పు వేసి కలియతిప్పాలి. జిగురు పోయేవరకు ఇలా వేయించుకోవాలి. తర్వాత వీటిని ఒక ప్లేట్‌లోకి తీసుకొని పక్కన పెట్టుకోవాలి.

అదే పాన్‌లో మిగిలిన నూనె వేసి వేడయ్యాక ఆవాలు, జీలకర్ర వేసుకోవాలి. తర్వాత ఉల్లిపాయ ముక్కలు, కొద్దిగా పసుపు వేసి వేయించుకోవాలి. ఇప్పుడు అందులో పచ్చిమిర్చి పేస్ట్‌ వేసుకుని పచ్చివాసన పోయేవరకు వేయించాలి.

తర్వాత ఇందులో పెరుగు వేసి గడ్డలు లేకుండా కలుపుకోవాలి. చిక్కగా ఉడికిన తర్వాత అందులో బెండకాయ ముక్కలు వేసుకోవాలి. కాసేపు వేగిన తర్వాత రుచికి సరిపడా మరికొంచెం ఉప్పు వేసుకుని కలుపుకోవాలి. బెండకాయ ముక్కలు మంచిగా ఉడికిన తర్వాత కాసిన్ని నీళ్లు పోసి మీడియం మంటమీద ఉడికించుకోవాలి. నూనె పైకి తేలిన తర్వాత చివరిగా ధనియాల పొడి, గరం మసాలా, కొత్తిమీర వేసి కలుపుకొని దించుకోవాలి.

ఇలా చేయడం ద్వారా కూర జిగురు లేకుండా ఉంటుంది. చపాతీలోకి, వేడి వేడి అన్నంలోకి అదిరిపోతుంది. పిల్లలకి లంచ్‌ బాక్స్‌లకి, ఆఫీసు బాక్స్‌లోకి పర్ఫెక్ట్‌గా ఉంటుంది.