చామదుంపలతో ఇలా చేస్తే మటన్, చికెన్ చాప్స్ కూడా దేనికీ పనికిరావు!

మీ ఇంట్లో చామదుంపలు ఉన్నాయా? అయితే వాటి నునుపుదనం, జిగురు వల్ల వాటిని వండటానికి లేదా తినడానికి కాస్త వెనకడుగు వేస్తున్నారా? అయితే చామదుంపలతో ఒకసారి చాప్స్ చేసి చూడండి. ఈ చామదుంపల చాప్స్ కరకరలాడుతూ, కారంగా, ఎంతో అద్భుతంగా ఉంటాయి. మటన్, చికెన్ చాప్స్ లాగా ఎంతో రుచికరంగా ఉంటాయి. ఈ చాప్స్‌ ను స్నా క్‌లాగా అలాగే తినవచ్చు లేదా సాంబార్ అన్నం, రసం అన్నం, పెరుగు అన్నం లాంటి వాటికి సైడ్ డిష్‌ గా తీసుకుంటే ఆ రుచే వేరు.

చామదుంపల చాప్స్ తయారీకి కావలసిన పదార్థాలు

చామదుంపలు - 1/2 కేజీ
నీరు - ఉడకబెట్టడానికి సరిపడా
వెల్లుల్లి - 5 రెబ్బలు
అల్లం - 2 అంగుళాల ముక్క
కరివేపాకు - కొద్దిగా
కొత్తిమీర - కొద్దిగా
సాంబార్ ఉల్లిపాయలు- 10
కాశ్మీరీ ఎండు మిరపకాయలు - 5
తురిమిన పచ్చి కొబ్బరి - 2 టేబుల్ స్పూన్లు
మ్యారినేషన్ మరియు వేయించడానికి:
కారం పొడి - 2 టీస్పూన్లు
కాశ్మీరీ కారం పొడి - 1 టీస్పూన్ (మంచి రంగు కోసం)
పసుపు పొడి - అర టీస్పూన్
గరం మసాలా - అర టీస్పూన్
ఉప్పు - రుచికి సరిపడా
వేరుశెనగ నూనె - 3 టేబుల్ స్పూన్లు

చామదుంపల చాప్స్ తయారీ విధానం

-ముందుగా అర కేజీ చామదుంపలను శుభ్రంగా కడగాలి. ఆ తర్వాత వాటిని ఒక ప్రెషర్ కుక్కర్‌ లో వేసి, అవి మునిగేంత వరకు నీళ్లు పోయాలి. కుక్కర్ మూత పెట్టి మీడియం మంట మీద 3 విజిల్స్ వచ్చే వరకు ఉడికించాలి.

-ఆవిరి పోయాక మూత తీసి, ఒక చాకుతో దుంపను గుచ్చి చూడాలి. అది సులభంగా లోపలికి దిగితే పర్ఫెక్ట్‌ గా ఉడికినట్లు. ఇప్పుడు నీటిని వంపేసి, దుంపల పొట్టు తీసి పక్కన పెట్టుకోవాలి.

-ఒక మిక్సీ జార్ లో వెల్లుల్లి, అల్లం, కరివేపాకు, కొత్తిమీర, చిన్న ఉల్లిపాయలు, కశ్మీరీ ఎండు మిరపకాయలు, తురిమిన కొబ్బరి వేసి కొద్దిగా నీళ్లు చల్లి మెత్తటి పేస్ట్‌ లా గ్రైండ్ చేసుకోవాలి.

-ఉడికించిన చామదుంపలను ఒక గిన్నెలోకి తీసుకుని, చిన్న ముక్కలుగా కట్ చేసుకోవాలి. ఆ ముక్కలకు కారం పొడి, కాశ్మీరీ కారం, పసుపు, గరం మసాలా, ఉప్పు వేసి పట్టించాలి. ఆ తర్వాత మిక్సీలో రుబ్బి పెట్టుకున్న మసాలా పేస్ట్‌ ను కూడా వేసి ముక్కలన్నింటికీ బాగా పట్టేలా కలుపుకోవాలి.

-చివరగా, స్టవ్ మీద ఒక వెడల్పాటి పాన్ పెట్టి, అందులో 3 టేబుల్ స్పూన్లనూనె పోసి వేడి చేశాక మసాలా పట్టించిన చామదుంప ముక్కలను అందులో వేసి, పైన కొద్దిగా కరివేపాకు చల్లాలి. తక్కువ మంట మీద సుమారు అటూ ఇటూ తిప్పుతూ, అవి కరకరలాడే వరకు రోస్ట్ చేయాలి.

-అంతే చామదుంపల చాప్స్ రెడీ.