కోకోనట్ మిల్క్ -ఎగ్ కర్రీ

Non Veg

oi-Saraswathi

By Sindhu

Updated: Tuesday, August 21, 2012, 16:47 [IST]

కావలసిన పదార్థాలు:
గుడ్లు: 4(ఉడికించినవి)
ఉల్లిపాయలు: 2(ముక్కలుగా కట్ చేసుకొన్నవి)
టమోటో: 2(ముక్కలుగా కట్ చేసుకొన్నవి)
వెల్లుల్లి రెబ్బలు: 6-8
అల్లం: చిన్న ముక్క
పచ్చిమిర్చి: 4-6(ముక్కలుగా కట్ చేసుకొన్నవి)
కారం: 1tsp
ధనియాపొడి: 1/2tsp
పసుపు: 1/4tsp
కొబ్బరి తురుము: 1/2cup
కొత్తమీర తరుగు: 1tbsp
గరం మసాలా: 1/2tsp
యాలకులు: 1 లేదా 2
నూనె: సరిపడా
ఉప్పు: రుచికి తగినంత

తయారు చేయు విధానం:
1. ముందుగా గుడ్లను ఉడికించి పై పొట్టు తొలగించి పక్కన పెట్టుకోవాలి.
2. అలాగే ఉల్లిపాయలు, టమోటో, పచ్చిమిర్చి, కొత్తిమీరను కూడా తరిగి పెట్టుకోవాలి.
3 పాన్ లో నూనె వేసి వేడయ్యాక ఉడికించిన గుడ్లను అందులో వేసి బ్రౌన్ కలర్ వచ్చేంత వరకూ వేయించి తీసి పక్కన పెట్టుకోవాలి.
4. అంతలోపు మిక్సీలో ఉల్లిపాయముక్కలు కొన్ని, అల్లం, వెల్లుల్లి, పచ్చిమిర్చి కొన్ని, కొత్తిమీర కొద్దిగా మరియు కొబ్బరి తరుము వేసి మెత్తగా పేస్ట్ చేసుకోవాలి.
5. గుడ్లను వేయించిన పాన్ లో మరికొద్దిగా నూనె వేసి అందులో ఆవాలు, కరివేపాకు, పచ్చిమిర్చి ముక్కలు, ఉల్లిపాయ ముక్కలు, యాలకుల పొడి వేసి బాగా వేయించాలి.
6. అందులోనే మిక్సీలో వేసుకొన్నమసాలా పేస్ట్ కూడా వేసి, కలుపుతూ మరో ఐదు నిమిషాల పాటు వేయించాలి. మసాల మీద నూనె తేలుతుండగా అప్పుడు కారం, పసుపు, గరం మసాలా, ధనియా పౌడర్, ఉప్పు, వేసి అవసరమైతే కొద్దిగా నీళ్ళు పోసి మూత పెట్టి ఉడికించాలి.
7. కొబ్బరి మసాలా ఉడికి, గ్రేవి చిక్కబడే సమయంలో ఫ్రై చేసి పెట్టుకొన్న గుడ్లను అందులో వేసి కలిపి రెండు నిమిషాల తర్వాత క్రిందికి దింపుకోవాలి. అంతే కోకోనట్ మిల్క్ ఎగ్ కర్రీ రెడీ. దీన్ని వేడి వేడి అన్నం లేదా రోటితో సర్వ్ చేయండి.