ఎగ్ టిక్కా

చికెన్ కైమా - 1/2 kg
అల్లంవెల్లుల్లి పేస్ట్ - 2 tsp
గరంమసాలా - 1 tsp
మిరియాలపొడి - 1 tsp
మైదా - 1 tsp
ఉడికించిన కోడిగుడ్లు - 6
గిలకొట్టేందుకు కోడిగుడ్డు - 1
బ్రెడ్ పొడి - 1 కప్పు
ఉప్పు - తగినంత
నూనె - కావలసినంత

తయారు చేయు విధానం:

1. చికెన్ కైమాలో అల్లంవెల్లుల్లి, గరంమసాలా వేసి బాగా కలపాలి.
2. మైదాపిండిలో మిరియాలపొడి, ఉప్పు కలిపి దీన్ని కూడా కైమా మిశ్రమంలో కలిపి ఆరు ముద్దలుగా చేసుకోవాలి.
3. ఇప్పుడు ఓ కైమా ముద్ద తీసుకుని దాన్ని అరచేతిలో చిన్న చపాతీలా వత్తి అందులో ఉడికించిన కోడిగుడ్డును ఉంచి, కైమాతో గుండ్రంగా చుట్టేయాలి.
4. ఇలాగే అన్నింటినీ చేయాలి. విడిగా ఓ కోడిగుడ్డును గిలకొట్టి అందులో కైమా ముద్దను ముంచి తరువాత బ్రెడ్‌పొడిలో దొర్లించాలి.
5. ఇప్పుడు స్టౌ వెలిగించి పాన్ పెట్టి అందులో నూనె వేసి వేడి అయ్యాక తయారు చేసి పెట్టుకొన్నా కైమా ముద్దను జాగ్రత్తగా నూనెలో వేయించి తీస్తే ఎగ్‌ టిక్కా రెడి.