ఆదివారం ‘అదరగొడదామా’....!!

'గోస్ట్ మసాలా'.. పేరు భయంకరంగా ఉందని బెదిరిపోకండి... లొట్టలేసుకు తినే రుచిని కలిగిన ఈ హైదరబాదీ వంటకం దేశ వ్యాప్తంగా ప్రాచుర్యాన్ని సంతరించుకుంది. 'నైజాం నవాబులు' కాలం నుంచి రూపాంతరం చెందుతూ వస్తున్న 'సుప్రసిద్ధ భాగ్యనగరి మటన్ వంటకం' కాలానుగుణంగా మార్పు చెందుతూ ఇతర రాష్ట్రాలకు వ్యాపించింది. రంజాన్ మాసంలో మహ్మదీయులు ఇష్టంగా ఆరగించే ఈ వంటకం కోస్తా, రాయలసీమ, తెలంగాణ, ఉత్తారాంధ్రాల్లో చెదురు మదరుగా దొరుకుతుంది. అయితే ఈ వంటకాన్నిఅతి సులువుగా ఇంట్లోనే తయారు చేసుకోవచ్చు. ఇందు కోసం అతిగా ఖర్చు పెట్టాల్సిన అవసరం కూడా లేదు. ముఖ్యంగా బ్యాచిలర్స్, వీకెండ్ ఎంజాయ్ అంటూ రెస్టారెంట్లలో వందలకు వందలు బిల్లులు కట్టే బదులు తమ రూమ్ లోనే ఈ స్వయంపాకాన్ని తయారు చేసుకుంటే ' కొత్త వంటకాన్ని ట్ర్రై చేసామన్న ధ్రిల్ తో పాటు రుచికి రుచి, ఆరోగ్యానికి ఆరోగ్యం లభిస్తుంది.'..

గోస్ట్ మసలా తయారీకి కావల్సిన పదార్ధాలు:

- తాజా వేట మాంసం (మటన్) 500 గ్రాములు,
- పెరుగు 100 గ్రాములు,
- మిరియాలు 3 టేబుల్ స్పూన్లు,
- ఉల్లిపాయలు 2 (సన్నగా తరిగినవి),
- వెల్లులి 5 రెబ్బలు,
- అల్లం చిన్న చిన్న అరంగుళం ముక్కలు 5,
- పచ్చిమిరపకాయలు 4 సన్నగా (తరిగినవి),
- పెప్పర్ కార్న్స 10,
- లవంగాలు 5,
- ఏలుక్కాయలు 4.
- లవంగ పట్టు బద్దలు 2,
- జీలకర్ర 1టీ స్పూన్,
- పలావ్ ఆకు 1,
- కారం 1టీస్పూన్,
- జీలకర్ర పొడి 2 టీ స్పూన్లు,
- నూనె 4 టేబుల్ స్పూన్లు,
- సాల్ట్ తగినంత,

తయారు చేసుకునే విధానం:

- ముందుగా శుభ్రం చేసుకున్న మటన్, పెరుగు, కారం, జీలకర్ర పొడి, మిరియాలలో సాల్ట్ ను ఒక పాత్రలోకి తీసుకుని రెండు గంటలు పాటు నానబెట్టకోండి.

- పాత్ర నూనె పోసి వేడైన తరవాత పలావ్ ఆకు, జీలకర్ర, పెప్పర్ కార్న్, లవంగాలు, ఏలుకలు, లవంగపట్టు బద్దలను వేసి నిమిషం పాటు వేయించండి.

- అనంతరం సన్నగా తరిగిపెట్టకున్న ఉల్లిముక్కలను మెల్లగా పాన్ లోకి జారవిడువండి. అవి బంగారం రుంగులో వేగాక వెల్లులి రెబ్బలతో పాటు అల్లాన్ని వేసి రెండు నిమిషాల పాటు వేయించండి.

- నానబెట్టిన మిశ్రమాన్ని పాన్ లో వేసి మిశ్రమం కలిసే లాగా గరెటితో తిప్పండి. 8 నిమిషాలు పాటు ఈ మిశ్రమాన్ని ఉడికించిన తరువాత, ప్రెషర్ కుక్కర్‌లోకి మార్చండి. ఈ మిశ్రమానికి రెండు కప్పుల నీటిని జోడించి 4 విజిల్స్ వచ్చేంత వరకు ఉడికించండి.

మీరు శ్రమించి తయారుచేసిన 'గోస్ట్ మషాలా' తయార్, ఈ వేడి, వేడి మాషాలాను అన్నంలోగాని, బిర్యానిలోగాని కలుపుకుని తింటే ఆ రుచే వేరు, ఇంకెందుకండి ఆలస్యం తయారీ విధానం తెలుసుకున్నారుగా ఒక సారి ట్రై చేస్తే పోలా...