‘జంగ్లీ మాస్’ - కాశ్మీర్ వంటకం

కావలసిన పదార్ధాలు:
500 గ్రాములు లేత గొర్రె మాంసం
200 గ్రా. తాజా నెయ్యి
6 నుండి 8 కాశ్మరీ ఎర్ర మిర్చి
రుచికి తగిన ఉప్పు

ఇక 'జంగ్లీ మాస్' తయారీ ఎలా వండాలో చూద్దాం!
మీట్ లో వున్న అధిక కొవ్వు నంతా తీసేయండి. మాంసపు ముక్కను చిన్న ముక్కలుగా తరగండి. ఎర్ర మిరపకాయలను నీటిలో నానపెట్టండి. నెయ్యిని ఒక పెద్ద పెనంలో వేడెక్కించండి. దానిలో మాంసపు ముక్కలను వేసి అన్నివైపులా వేయించండి. దీనికి తగినంత ఉప్పు, సరిపడిన నీరు వేసి ఉడికించండి. మాంసం మెత్తబడే వరకూ తక్కువ మంటపై ఉడకనివ్వండి.

మిరపకాయలను రెండు మూడు ముక్కలు చేసి వండిన మాంసానికి నీటితో కలిపేయండి. నీరు ఇగిరిపోయేటంతవరకు ఉడికించి అపుడు అదనంగా కొంచెం నెయ్యి వేసి చక్కగా కలిపి పెనం నుండి బయటకు తీసి ఆకర్షణీయమైన గిన్నెలో పెట్టండి. అంతే 'జంగ్లీ మాస్' రెడీ! దానిని మీరు తినబోయే పరోటా లేదా రోటీ లతో కలిపి సెర్వ్ చేయండి.