మసాలా ఫ్రైడ్ ఫిష్

Non Veg

oi-Saraswathi N

By Sindhu

Published: Friday, May 20, 2011, 16:39 [IST]

కావలసిన పదార్థాలు:
చేప : 1
ఉల్లిపాయ : 1
అల్లంవెల్లుల్లి ముద్ద : 1tbsp
ఎండుకొబ్బరి: అర చెక్క,
గసాలు: 1tsp
ధనియాల పొడి : 2tsp
జీలకర్ర పొడి: 1tsp
గరంమసాలా: 2tsp
కారం: 2tsp
పసుపు: కొద్దిగా
ఉప్పు: రుచికి తగినంత
నూనె : కావలసినంత

తయారుచేయు విధానం:
1. చేపని శుభ్రంగా కడిగి పొలుసు తీసేయాలి. చేప పొట్ట భాగంలో కోసి లోపలిభాగం కూడా శుభ్రం చేసుకోవాలి. ఇప్పుడు చేపకి రెండు వైపులా కత్తితో గాట్లు పెట్టుకుని పక్కన పెట్టుకోవాలి.
2. మిక్సీ గిన్నెలో ఉల్లిపాయ ముక్కలు, అల్లంవెల్లుల్లి ముద్ద , ఎండుకొబ్బరి ముక్కలు, గసాలు, ధనియాలపొడి, జీలకర్రపొడి, గరంమసాలా, కారం, ఉప్పు, పసుపు, కొద్దిగా నీళ్లు పోసి మెత్తగా రుబ్బుకోవాలి.
3. తర్వాత రుబ్బుకొన్న పేస్ట్ లో చేపని వేసి రెండు వైపులా మసాలా పట్టేలా చేయాలి. ఓ పావుగంట సేపు నానాక స్టౌ మీద మందపాటి గిన్నెలేదా పాన్ పెట్టి సరిపడా నూనె వేసి బాగా కాగాక చేపని అందులో వేసి రెండు వైపులా ఎర్రగా వేగించాలి. అంతే ఫ్రైడ్ ఫిష్ రెడీ.