మటన్ లివర్ ‘ఫ్రై’..!!

Non Veg

oi-Sivanjaneyulu Bommu

By Sivanjaneyulu Bommu

Published: Friday, September 2, 2011, 11:54 [IST]

'మటన్' మంసాన్ని లొట్టలేసుకుని లాగించే మంసాహార ప్రియులకు మరో పసందైన 'ఘుమ ఘుమ'.. లివర్ వంటకాల్లో ఒకటైన 'మటన్ లివర్ ఫ్రై' ఆరోగ్యానికి మేలు చేకూర్చటంతో పాటు చక్కటి రుచిని కలిగి ఉంటుంది. చక్కటి రుచిని సంతరించుకున్న ఈ వంటకాన్ని తయారు చేయటంలో పలువురు విఫలమవుతున్నారు. అయితే మటన్ లివర్ ముక్కలను ముందుగా పాలలో నానబెట్టి ఫ్రై చేస్తే ఆ రుచే వేరు.. 'వన్ ఇండియా' పాఠకుల కోసం ఈ రోజు మేమందిస్తున్న స్పెషల్ వంటకం మటన్ లివర్ 'ఫ్రై'...

మటన్ లివర్ 'ఫ్రై'.. తయారీకి కావల్సిన పదార్థాలు:
- మటన్ 300 గ్రాములు ( మీడియం సైజు ముక్కలు),
- పాలు 1 మగ్,
- బంగాళదుంపలు 2 ( చిన్న చిన్న ముక్కులుగా తరిగినవి),
- ఉల్లిపాయలు 2 ( సన్నగా తరిగినవి),
- వెల్లులి రెబ్బలు 6 (సన్నగా తరిగినవి),
- టమోటో 1 (సన్నగా తరిగనది),
- పచ్చిమిర్చి 4 (సన్నగా తరగినవి),
- కారం 1 టేబుల్ స్పూన్,
- జీలకర్ర పొడి 1 టేబుల్ స్పూన్,
- ధనియాల పొడి 1టేబుల్ స్పూన్,
- పలావ్ ఆకు 1,
- జీలకర్ర 1 టేబుల్ స్పూన్,
- మటన్ గరమ్ మసాలా (1 టేబుల్ స్పూన్),
- కొత్తిమీర (సన్నగా తరిగినది),
- నూనె 2 టేబుల్ స్పూన్లు,
- సాల్ట్ తగినంత.

తయారీ విధానం:
- ముందుగా మటన్ లివర్ ముక్కలను పాలలో గంట సేపు నానబెట్టుకోవాలి.
- బాండీ పై వేడిచేసుకున్న నూనెలో గరమ్ మసాలా, పలావ్ ఆకు, జీలకర్రల మిశ్రమాన్ని వేసి వేయించాలి.
- ఆ తురువాత తరిగిన ఉల్లిముక్కలను వేని బంగారు రంగులో వేగిన తరువాత నానబెట్టకున్న లివర్ ముక్కలను వేసి 2 నిమిషాలు పాటు ఉడికించుకోవాలి.
- ఉడికుతున్న మిశ్రమంలో అల్లం, వెల్లులి ముక్కలను జోడించి మరో నిమిషం పాటు ఉడికించుకోవాలి.
- అనంతరం తరగి పెట్టకున్న టమోటో ముక్కలతో పాటు పచ్చిమిర్చి తగినంత సాల్ట్ ను జోడించి గ్రేవీ వచ్చంత వరకు అంటే 3 నుంచి 4 నిమిషాల పాటు ఉడికించుకోవాలి.
- తరవాత ఉడుకుతున్న 'లివర్ ఫ్రై'లో కారం, ధనియాల పొడిని చల్లాలి, ఇలా 4 నిమిషాల పాటు ఉడికించిన తరువాత 3 టేబుల్ స్పూన్ల నీటిని పోసి బాండీ పై మూత పెట్టేయండి. 5 నిమిషాల తరువాత తెరిచి చూస్తే మీ మటన్ లివర్ ఫ్రై తయారైనట్లే..
- వేడి వేడిగా తయారైన మటన్ లివర్ 'ఫ్రై'ని రైస్, రొట్టె వంటి పదార్థంలో నంచుకుని తింటే ఆమోఘం.