క్రిస్పీ పొటాటో ఫ్రై: మంచూరియన్ స్టైల్

బంగాళదుంపలతో తయారుచేసే ప్రతి వంటా చాలా టేస్ట్ గా , యమ్మీగా ఉంటుంది. వీటిని బేక్ చేసినా, ఫ్రై చేసినా ఎప్పుడూ వీటి రుచి మాత్రం ఏమాత్రం తగ్గదు. అసలు వంటలు చూస్తుంటే నోరూరిస్తుంటాయి.

ఫ్రెంచ్ ఫైస్ బేక్ చేసిన పొటాటోలంటే ప్రతి ఒక్కరికీ చాలా ఇష్టం. పొటాటో ఫ్రెంచ్ ఫ్రైస్ మీరు కూడా టేస్ట్ చూడాలంటే ఇంట్లోనే తయారుచేసుకోవచ్చు. ముఖ్యంగా వర్షాకాంలో ఇవి మరింత టెప్ట్ చేస్తుంటారు. చాలా మందికి ఇష్టమైన స్నాక్ డిష్. . చిన్న పిల్లలకు ఇది హెల్తీ న్యూట్రీషియన్ డిష్ . బాయిల్ చేసినప్పుడు చాలా సాప్ట్ గా ఉంటుంది. పిల్లలు తినడానికి తేలికవుతుంది. జీర్ణం బాగా అవుతుంది.

బరువు తక్కువగా ఉండే పిల్లలకు దీన్ని అందివ్వడం ద్వారా , బరువు పెరుగుతారని రీసెంట్ గా జరిపిన పరిశోధనల్లో వెల్లడైనిది. మరి ఈ పొటాటో ఫ్రెంచ్ ఫ్రై రిసిపిని మీకు నచ్చిన విధంగా ఇంట్లోనే ఎలా తయారుచేసుకోవాలో చూద్దాం..

కావల్సినపదార్థాలు:
బంగాళదుంపలు - 2 cups(నచ్చిన షేప్ లో కట్ చేసుకోవాలి)
కార్న్ ఫ్లోర్- 2 teaspoons
కారం - 1 teaspoon
పచ్చిమిర్చి - 5 to 6
సోయాసాస్ - 1 teaspoon
టమోటో సాస్ - 1 teaspoon
చిల్లీసాస్ - 1 teaspoon
వెల్లుల్లి- 1 teaspoon (finely chopped)
ఉల్లిపాయలు - 1 cup Salt Oil

తయారుచేయు విధానం:
1. ముందుగా ఒక బౌల్ తీసుకుని అందులో పొటాటో ముక్కలతో పాటు, కొద్దిగా కార్న్ ఫ్లోర్ చిలకరించి బాగా మిక్స్ చేయాలి.
2. ఇప్పుడు పాన్ లో కొద్దిగా నూనె వేసి వేడయ్యాక అందులో పొటాటో కార్నఫ్లోర్ పొడి వేసి బాగా మిక్స్ చేయాలి.
3. కాగే నూనెలో వేసి డీప్ ఫ్రై చేసుకోవాలి. బ్రౌన్ రెడ్డిష్ కలర్లో వచ్చే వరకూ ఫ్రై చేసుకోవాలి.
4. అంతలోపు మరో పాన్ తీసుకుని అందులో కొద్దిగా నూనె వేయాలి.
5. తర్వాత అందులో వెల్లుల్లి, పచ్చిమిర్చి, కారం, మరియు ఉల్లిపాయలు వేసి ఫ్రై చేసుకోవాలి.
6. ఫ్రై అయిన తర్వాత అందులోనే సోయా సాస్, టమోటో సాస్, చిల్లీ సాస్ వేసి, మొత్తం పదార్థాలను వేగించుకోవాలి.
7. రుచికి సరిపడా ఉప్పు వేసి మొత్తం మిశ్రమాన్ని మిక్స్ చేసుకోవాలి. ఇప్పుడు డీప్ ఫ్రై చేసుకున్న పొటాటో ముక్కలు కూడా అందులో వేసి మొత్తం మిశ్రమం మిక్స్ చేయాలి. మిక్స్ చేసిన తర్వాత సర్వింగ్ ప్లేట్ లోకి మార్చుకుని వేడి వేడి టమోటో సాస్ తో సర్వ్ చేయాలి.