దీపావళి స్పెషల్ మిఠా కాజు కట్లీ

ఈ స్పెషల్ పండుగ రోజున రుచికరమైన వివిధ రకాల స్వీట్లను ప్రత్యేకంగా తయారుచేసుకొని తింటారు. వారు సంప్రదాయ రకాల మిఠాయిలతో పాటు ఇటీవల కాలంలో పలు కొత్త రకాల స్వీట్స్‌ను తయారు చేసుకుంటున్నారు. అందులో కాజు కట్లీ అంటేనే తీపి ప్రియుల నోటిలో లాలాజలం ఊరుతుంది. ఏదైనా శుభకార్యం చేయాలనుకుంటే షాపుల్లో కాజు కట్లీ కొని బంధువులకు పంచిపెట్టడం చేస్తుంటాం. కానీ కాజు కట్లీని ఇంట్లోనే తయారు చేస్తే ఎలా ఉంటుందో తెలుసుకోవాలంటే.. కాజు కట్లీ తయారీ విధానాన్ని తెలుసుకోవాల్సిందే..!

కావాల్సిన పదార్థాలు:
ముంతమామిడి పప్పు: 4cups
పంచదార: 4cups
పాలు: 2tbsp
నెయ్యి: 2tbsp
వెనిలా ఎసెన్స్: 1tbsp
సిల్వర్ లీఫ్ షీట్స్: 2

తయారు చేయు విధానం:
1. ముందుగా వేడి చేసిన ఒక కప్పు నీటిలో బాదంపప్పును వేసి ఒక గంటపాటు నాననివ్వాలి. ఇందుకు తగిన పాలు, పంచదారను కలిపి మెత్తగా కలుపుకోవాలి. వేడి చేసిన నెయ్యిని ఓ పెద్ద పాత్రలో వేసుకుని, ముంతమామిడి పప్పు మిశ్రమాన్ని మితంగా వేడి చేసుకోవాలి.
2. వేడి చేయడంతో ఈ ముంతమామిడిపప్పు, పంచదార, పాలు మిశ్రమం కాస్త గట్టిపడుతుంది. ఈ మిశ్రమానికి వెన్నిలా ఎసెన్స్ కలుపుకోవాలి.
3. ఈ పేస్ట్‌ ను నెయ్యి పూసిన ప్లేటుపై సమంగా పరిచి సిల్వర్ షీట్లను ఉంచాలి.
4. తర్వాత ఫ్రిజ్‌ లో ఉంచాలి. తర్వాత డైమండ్ షేప్‌ లో కట్ చేసుకుని బంధువులకు, అతిథులకు పంచిపెట్టవచ్చు.