శక్తినిచ్చే.. నట్స్(డ్రైఫ్రూట్స్)మిల్క్ షేక్

Published: Friday, May 18, 2012, 8:02 [IST]

వేసవికిలో ఎండకు ఏదో ఒకటి చల్లగా..చల్లగా తాజాగా కూల్ డ్రింక్ తాగి మజా చేయాలనిపిస్తుంది. అందుకోసమే ఎన్నో రకాల ఫ్రూట్ జ్యూస్ లు, మిల్క్ షేక్స్ బయట ఫ్రూట్ షాపుల్లో అమ్ముతుంటారు. అయితే బయట తాగేకంటే ఇంట్లోనే వెరైటీగా రుచికరమైన, ఆరోగ్యకరమై నట్స్ మిల్క్ తయారు చేసుకోవచ్చు. ఇది తాగడం వల్ల వేసవిలో కొంత శక్తిని పొందుతారు. ఈ మిల్క్ షేక్ ను ఎలా చేద్దామో చూద్దం...

కావలసినపదార్థాలు:
కాచిన పాలు: 1 glass
బాదం: 8-10
పిస్తా: 8-10
ఖర్జూరం: 2
వాల్ నట్స్: 2
యాలకలపొడి: 1tsp
పంచదార: తగినంత
చాక్లెట్ క్రీమ్: 1tbsp

తయారు చేయు విధానం:
1. ముందుగా డ్రై ప్రూట్స్ అన్నింటినీ మిక్సీలో వేసి పొడి చేసుకోవాలి. తర్వాత అందులోనే పంచదార కూడా వేసి మరొకసారి గ్రైడ్ చేసి పెట్టుకోవాలి.
2. ఇప్పుడు గ్లాసు కాచి చల్లార్చిన పాలల్లో ఈ పౌడర్ ను రెండు టేబుల్ స్పూన్లు మిక్స్ చేసి బాగా షేక్ చేసి, చాక్లెట్ క్రీమ్ గార్నిష్ చేసి చల్ల... చల్లగా సర్వ్ చేయాలి.
3. మిగిలిన పౌడర్ ను మూత గట్టిగా ఉన్న డబ్బాలో నిల్వచేసుకొని, ఎప్పుడు కావాలంటే అప్పుడు నట్స్ మిల్క్ షేక్ రెడీ చేసుకోవచ్చు. ఇది చేయడం చాలా సులభం. ఈ వేసవి కూల్ డ్రింక్ ను తాగి మరింత శక్తిని పొందండి...