కాకరకాయ చిప్స్

కాకరకాయలు - 1 kg
కార్న్‌ఫ్లోర్ - 50 grm
మైదా - 100 grm
అల్లం, వెల్లుల్లి - 2 tsp
ధనియాలపొడి - 1 tsp
కారం - 1 tsp
జీలకర్ర పొడి - 1 tsp
కొత్తిమీర - 2 కట్టలు
ఉప్పు - రుచికి సరిపడ
నిమ్మ ఉప్పు - 1 tsp
ఆయిల్ - వేయించడానికి సరిపడా
రెడ్ఆరెంజ్ కలర్ - చిటికెడు

తయారు చేసే విధానం:

1. పొడవుగా ఉన్న కాకరకాయల్ని ఎంచుకోండి. శుభ్రం చేశాక చాకుతో పొడవుగా సన్నగా తరగండి.
2. ఈ ముక్కల్ని మరుగుతున్న నీళ్లలో వేయండి. ఈ నీళ్లలో ఉప్పు, నిమ్మ ఉప్పు కలపండి. అయిదు నిమిషాల పాటు కాకరకాయ ముక్కల్ని ఉంచి నీళ్లను వడగట్టండి.
3. ఓ గిన్నెలో మైదా, కార్న్‌ఫ్లోర్, అల్లంవెల్లుల్లి, కారం, జీలకర్ర పొడి, ధనియాల పొడి, తరిగిన కొత్తిమీర, ఉప్పు కలపండి. ఈ మిశ్రమంలో కాసిన్ని నీళ్లు పోసి జారుడుపిండిలా చేయండి. ఇందులోనే రెడ్ ఆరెంజ్ కలర్ చేర్చండి.
4. చల్లారిన కాకరకాయ ముక్కల్ని ఈ పిండిలో ముంచి మరుగుతున్న నూనెలో వేసి కరకరలాడేలా వేయించండి. కాకరకాయ చిప్స్ రెడీ . వీటి కొద్ది రోజులు నిల్వ చేసుకోవచ్చు.