కోవా క్యారెట్‌ డిలైట్‌

Snacks

oi-Saraswathi N

By Sindhu

Published: Monday, January 10, 2011, 15:17 [IST]

కావలసిన పదార్థాలు:
క్యారెట్‌ ముక్కలు (సన్నగా తరిగినవి) : 3cups
క్యారెట్‌ తురుము : 1/2cup
కోవా : 100grm
పంచదార : 2cups
పాలు : 100grms
నెయ్యి : 1/2cup
పచ్చి కొబ్బరి తురుము :1cup
జీడిపప్పు : 10
చెర్రీస్‌ : 10
యాలకుల పొడి :1/2tsp
కుంకుమ పువ్వు : చిటికెడు

తయారు చేసే విధానం:
1. క్యారెట్‌ తురుము, క్యారెట్‌ ముక్కలకు కొద్దికొద్దిగా పాలు జతచేస్తూ విడివిడిగా ఉడికించుకోవాలి. ఉడికిన క్యారెట్‌ ముక్కలను మాత్రమే గ్రైండ్‌ చేసుకోవాలి.
2. ఒక పాత్రలో నెయ్యి వేసి జీడిపప్పును వేయించి పక్కన పెట్టుకోవాలి. తరువాత ఉడికిన క్యారెట్‌ తురుముని, గ్రైండ్‌ చేసుకున్న మిశ్రమాన్ని వేసి ఐదు నిమిషాల పాటు వేయించుకోవాలి.
3. తరువాత పంచదార కలిపి అడుగంటకుండా కలియబెడుతూ ఉండాలి. ఈలోపు కోవా, పచ్చి కొబ్బరిని గ్రైండ్‌ చేసుకొని అందులో వేసి కలుపుకోవాలి.
4. తర్వాత మిగిలిన పాలు వేసి కొద్దిసేపు ఉడికించుకోవాలి. చివరగా యాలకుల పొడి, జీడిపప్పు, కుంకుమ పువ్వుతో గార్నిష్‌ చేసుకోవాలి. అంతే కోవా క్యారెట్‌ డిలైట్‌ రెడీ.