మ్యాంగో సలాడ్-సమ్మర్ స్పెషల్

Published: Saturday, March 17, 2012, 12:36 [IST]

వేసవి వచ్చిందంటే చాలు మామిడి పళ్ళు, కాయలు విరివిగా వచ్చినోరూరించేస్తుంటాయి. వేసవితో పాటు మామిడి పండ్లను వెంట తెస్తుంది. మామిడి పండును మనకు ప్రకృతి అందించే అమృత ఫలమని చెప్పుకోవచ్చు. పంచదార కన్నా తియ్యని ఆ రుచి ఎంతో మధురం. పండ్లుగా ఉన్నప్పుడు ఎంతగా ఇష్టపడతారో పచ్చివాటితోనూ మామిడితో అంతే ఇష్టమైన వంటకాలను తయారుచేసుకోవచ్చు. పండ్ల రారాజు మామిడి పండు. మామిడి పండ్లతో జ్యూస్‌, సలాడ్‌ తయారు చేసుకోవచ్చు...

కావలసిన పదార్థాలు
మామిడి పండు ముక్కలు: 1cup
ఆకుపచ్చని ద్రాక్ష: 1cup
ఆపిల్‌ ముక్కలు: 1/2cup
పుల్లటి పెరుగు: 1/2cup
ఉప్పు: చిటికెడు
తేనె: 1tbsp
ఆక్రోటు పప్పు: 1/2cup

తయారు చేయు విధానం:

1. మామిడి, ఆపిల్‌ పండ్లను శుభ్రంగా కడిగి తొక్క తీయాలి.
2. తర్వాత మామిడి, ఆపిల్‌ లను చిన్న చిన్న ముక్కలుగా కట్ చేసుకోవాలి.
3. ఇప్పుడు ఒక బౌల్ తీసుకొని అందులో పెరుగు, తేనె, ఉప్పు కలపాలి. తర్వాత దానిలో పండ్ల ముక్కలను, ద్రాక్ష పళ్లను, ఆక్రోటు పప్పును కలపాలి. బాగా మిక్స్ చేయాలి అంతే మ్యాంగో సలాడ్‌ రెడీ. కావాలంటే కాసేపు ఫ్రిజ్‌ లో పెట్టుకుని లేదంటే అలాగే తినొచ్చు.