మసాలా కర్రీ రోల్స్:

పాలకూర ఆకులు: 10
ఉడికించిన సేమియా: 1cup
క్యాప్సికం: 2
ఉల్లిపాయ: 1
పచ్చిమిర్చి: 4
కరివేపాకు: రెండు రెమ్మలు
కొత్తిమీర: 1కట్ట
మినపప్పు: 1tbsp
ఆవాలు: 1/2tsp
జీలకర్ర: 1/2tsp
పసుపు: 1/2tsp
నెయ్యి: 1tsp
ఉప్పు: రుచికి సరిపడా
నూనె: తగినంత
తయారు చేయు విధానము:
1. ముందుగా వేడిచేసిన నీటిలో పాలకూర ఆకుల్ని వేయాలి. తర్వాత పాన్ లో నూనె వేడి చేసి పోపు దినుసులు, కరివేపాకు వేసి వేయించాలి.
2. తర్వాత అందులోనే సన్నగా తరిగిన పచ్చిమిర్చి, క్యాప్పికం వేసి బాగా మగ్గనివ్వాలి.
3. ఇప్పుడు దీనికి ఉల్లిపాయ ముక్కులు, పసుపు చేర్చి మరి కాసేపు సన్ననిమంటపై ఉంచాలి. చివరగా ఉప్పు, సేమియా, కొత్తిమీర కలిపి పాన్ దింపేయాలి.
4. ఈ మిశ్రమాన్ని పాలకూర ఆకుల్లో చెంచా చొప్పున పెట్టి గుండ్రంగా చుట్టి పెట్టుకోవాలి. తర్వాత పాన్ లో నెయ్యి వేసి వేడి చేసి తయారుగా ఉన్న పాలకూర రోల్స్ ను నిమిషం పాటు వేడిచేయాలి. అంతే నోరూరించే మసాలా కర్రీ రోల్స్ తయారవుతాయి. వీటిని చపాతీల్లో చుట్టుకొని తింటే చాలా రుచిగా ఉంటాయి.