స్వీట్ కార్న్(మొక్కజొన్న) సుండల్: నవరాత్రి స్పెషల్

Published: Wednesday, October 5, 2011, 14:53 [IST]

మొక్కజొన్నలో పోషక విలువలెన్నో ఉన్నాయి. విటమిన్లు, కార్బోహైడ్రేట్స్, ప్రొటీన్లు, ఫైబర్ అధికంగా లభిస్తాయి. కొన్ని అనారోగ్యాలకు ఉపశమనంగానూ, నివారణగానూ పని చేస్తుంది మొక్కజొన్న. లేత మొక్కజొన్న తేలికగా జీర్ణమవుతుంది. దీన్ని నమిలి తినడం వల్ల దంతాల పటుత్వం పెరుగుతుంది. ఎముకల ఆరోగ్యానికీ, ఎదుగుదలకూ, దృఢత్వానికీ ఉపయోగించే కాల్షియం, భాస్వరం ఇందులో ఉన్నాయి. డయాబెటీస్ రోగులు మొక్కజొన్న తిన్నట్లయితే శక్తి లభించి, నీరసం తగ్గుతుంది. ఇందులోని పొటాషియం రక్తపోటును నియంత్రించి అధిక రక్తపోటు రాకుండా చేస్తుంది. గుండెకు సంబంధించిన అనారోగ్యాలు ఏర్పడకుండా, గుండె ఆరోగ్యాన్ని పెంచుతుంది. ఇన్ని సుగుణాలున్న మొక్కజొన్నతో చాలా వెరైటీలు చేసుకోవచ్చు..అందులో ఇదొక స్పెషలన్ స్వీట్ కార్న్ సుండల్...

కావలసిన పదార్థాలు:
మొక్కజొన్నలు: 2-3cups(కొద్దిగా ఉప్పుతో ఉడికించినవి)
తేనె: 2tsp(అవసరం అనుకుంటే)
కర్జూరం: 1/2cup(గింజలు లేకుండా)
పంచదార: 1tsp
క్యారెట్ తురుము: 1/4cup
టమోటో: 1
ఉల్లిపాయ:1
కొత్తిమిర తరుగు: కొద్దిగా
నిమ్మరసం: కొద్దిగా

తయారు చేయు విధానము:
1. ఒక బౌల్ తీసుకొని అందులో మొదటగా ఉడికించి పెట్టుకొన్న మొక్కజొన్నలు వేసుకోవాలి.
2. తర్వాత అందులో తేనె, పంచదార, గింజలు లేని కర్జూరం వేసి బాగా మిక్స్ చేయాలి.
3. ఇప్పుడు క్యారెట్ తురుము, టమోటో, ఉల్లిపాయ ముక్కలు, కొత్తిమిర తరుగు వేసి అన్నింటి బాగా కలిసేలాగా మిక్స్ చేయాలి.
4. ఫైనల్ గా నిమ్మరం వేసి మరోసారి కలిపి సర్వ్ చేయాలి అంతే స్వీట్ కార్న్ సుండల్ రెడీ.