పథీర్ పేనీ(బెంగాలీ) స్వీట్...

కావలసిన పదార్థాలు:
మైదా పిండి: 1cup
పంచదార: 2cups
బియ్యపు పిండి: 1tsp
కొబ్బరి తురుము: 2tsp
నెయ్యి: 2tsp
యాలకుల పొడి: 1tsp
కుంకుమపువ్వు: 1/2tsp

తయారు చేయు విధానం:
1. ముందుగా ఒక బౌల్ తీసుకొని అందులో ఓ చెంచా నెయ్యి వేసి అందులో మైదా వేసి బాగా కలపాలి.
2. తర్వాత మిగిలిన నెయ్యిని పంచదారలో వేసి బాగా కలపాలి.
3. ఇప్పుడు పంచదారలో నీళ్ళు పోసి స్టౌ మీద పెట్టాలి. ఈలోపు మైదాపిండిలో నీళ్లు పోసి పూరిల పిండిలా కలుపుకోవాలి.
4. పంచదార తీగ పాకం వచ్చిన తర్వాత యాలకుపొడి, కుంకుమపువ్వు వేసి దించి పక్కన పెట్టుకోవాలి.
5. తర్వాత ముందుగా కలిపి పెట్టుకొన్న పిండిని చిన్న చిన్న పూరీల్లా ఒత్తుకుని, బియ్యపు పిండిలో దొర్లించి పక్కన పెట్టుకోవాలి.
6. ఇప్పుడు స్టౌ వెలిగించి పాన్ పెట్టి అందులో నూనె వేసి వేడయ్యాక ఒత్తిపెట్టుకొన్న చిన్న చిన్న పూరీలను అందులో వేసి వేయించి తీసి పంచదార పాకంలో వేయాలి. కొద్దిసేపటి తర్వాత పాకంలోని పూరీలను ప్లేట్ లోనికి తీసుకొని పచ్చికొబ్బరి తురుమును చల్లి ఆరగించాలి. అంతే పథర్ బెనీ రెడీ...
చిట్కా: 1. పూరీలు వేపుకొనేటప్పుడు కొంచెం మృదువుగా వేయించుకోవాలి. దాంతో పంచదార పాకంలో ఎక్కువ సేపు నానబెట్టే అవసరం ఉండదు.
2. పంచదార పాకం తయారు చేసేటప్పుడు ఎక్కువసేపు మంటమీద ఉంచకూడదు. తక్కువ మంటలో కొద్దిసేపు ఉంచి పాకం తయారైన వెంటనే క్రిందికి దింపుకోవాలి. లేదంటే పంచదార పటికల్లా తయారువుతుంది.