గణేషునికి ఇష్టమైన పాల కుడుములు(ఉండ్రాళ్లు)

Published: Tuesday, September 7, 2010, 16:59 [IST]

కావలసిన పదార్థాలు:
బియ్యం పిండి: 1cup
నువ్వులు: 1/2 cup
పాలు: 1cup
నీళ్ళు: 2cups
పంచదార: 1cup
కొబ్బరి తురుము: 1cup
యాలకల పొడి: 1/2tsp

తయారుచేయు విధానం:
1. ఒక వెడల్పాటి గిన్నెను స్టౌ మీద పెట్టి అందులో రెండు కప్పుల నీళ్ళు పోసి వేడిచేయాలి. వేడి అయిన తరువాత బియ్యం పిండి వేసి ఉండలు ట్టకుండా ఉడికించుకోవాలి. ఉడికించుకునేప్పుడు ఆవిరి బయటికి వెళ్ళకుండా మూత పెట్టాలి. నాలుగైదు నిమిషాలు ఉడికించి కిందకు దించుకోవాలి.
2. ఉడికించిన ఈ పదార్థాన్ని చిన్న చిన్న ఉండలుగా చేసుకోవాలి. మరో గిన్నెను స్టౌ మీద పెట్టి పంచదార, తగినన్ని నీళ్ళుపోసి పాకం పట్టుకోవాలి. ఇందులో కొబ్బరి తురుము కూడా వేసి కొద్దిసేపు వేడిచేయాలి.
3. తరువాత బియ్యం పిండి ఉండలను పాకంలో వేసుకోవాలి. తరువాత పాలను కూడా పోసి బియ్యం పిండి ఉండలకు పంచదార పాకం, పాలు పట్టేలా కొద్దిసేపు ఉడకనివ్వాలి.
4. నువ్వులను కొద్దిగా వేడిచేసి పొడిచేసుకోవాలి. ఈ పొడిని పాల ఉండల్లో వేసి రెండు నిమిషాలు ఉంచాలి. చిక్కగా సిరప్‌లా తయారవుతుంది. 5. చివరిగా యాలకుల పొడిని చల్లుకుని దించుకోవాలి. అంతే పాల కుడుములు రెడీ.

Comments

Story first published: Tuesday, September 7, 2010, 16:59 [IST]

Latest Updates