పొటాటో పాన్ కేక్..కొబ్బరి చట్నీతో లొట్టలేయాల్సిందే

Published: Friday, February 24, 2012, 12:10 [IST]

కావలసిన పదార్ధాలు:
పొటాటో(బంగాళదుప)తరుము: 3cups
ఉల్లిపాయ తురుము: 1cup
మైదా: 1cup
గుడ్డు: 1
మిరియాలపొడి: 1/2tsp
పంచదార: 1/2tsp
ఉప్పు: రుచికి తగినంత
దాల్చిన చెక్క: చిన్న ముక్క
పాలు: 1cup
నూనె: కావలసినంత
బేకింగ్‌ పౌడర్‌: 1/2tsp
బేకింగ్‌ సోడా: ఒక చిటికెడ్‌ (కావాలనుకుంటే)

తయారు చేసే విధానం:
1. ముందుగా తురిమి పెట్టుకున్న ఆలు, ఉల్లిపాయలను కలిపి విడిగా పెట్టుకోవాలి. ఆలూను తురిమిన వెంటనే నీళ్ళలో వేస్తే రంగు మారదు.
2. తర్వాత ఒక బౌల్ లో మైదా, ఉప్పు, మిరియాల పొడి, దాల్చిన చెక్కముక్కలు, గుడ్డు, బేకింగ్‌ పౌడర్‌, బేకింగ్‌ సోడాలను కలుపుకోవాలి. అందులో కలిపి పెట్టుకున్న ఆలు, ఉల్లి తురుమును కలిపి అందులో జారుగా వచ్చేలా తగినన్ని నీళ్ళు కానీ పాలు కానీ పోసి కలుపుకోవాలి. గరిట జారుగా కలుపుకున్న పిండిని ఎక్కువగా కలపకుండా ఉంటేనే మంచిది.
3. తర్వాత స్టౌ మీద పాన్ పెట్టి వేడెక్కిన తరువాత దానిపై కాస్త నూనె పోసి పాన్ అంతా అంటేలా గరిటతో తిప్పాలి. తర్వాత ఒక కపెద్ద గరిటెడు పిండిని తీసుకుని దోశలకు పోసినట్టుగా పోయాలి.
4. రెండు నిమిషాలపాటు దానిని ఉడకనిచ్చి రెండో వైపుకి తిప్పాలి. ఆ వైపు కూడా అలాగే కాలే దాకా ఉంచాలి. దీనిని టమేటో కెచప్‌ తో కానీ జామ్‌ తో కానీ చట్నీతో కానీ దేనితోనైనా తినవచ్చు. కొబ్బరి చట్నీ అయితే మహా అద్బుతంగా ఉంటుంది.